Enseñansa Profesional y Comercio trahando hunto

April 1, 2016

Na November 2015 Departamento di Enseñansa Aruba a cuminsa cu e proyecto di desaroyo y renobacion di Programanan di Estudio na EPI, EPB y OAA.

E proyecto ta encera modernisa y actualisa Educacion Profesional (beroepsgericht onderwijs) basa riba desaroyonan nacional y internacional. “Beroepsgerichte Kwalificatie Structuur” (BKS) y standardnan internacional lo sirbi como ‘Benchmark’ pa yega na un concepto nobo di Educacion Profesional.

Na Hulanda e BKS a keda ancra den ley desde 2012 cu e meta pa mehora e conexion entre Educacion Profesional y e mercado laboral y pa hisa e “doorstroom”, e cantidad di persona cu ta continua pa un siguiente nivel di enseñansa. Instrumentonan manera Erkenning van Verworven Competenties (EVC) lo forma parti di e renobacion y asina facilita e entrada y acceso na Educacion Profesional.

E concepto nobo lo dedica atencion na e conocemento, habilidad y actitud cu e studiante mester pa un miho conexion cu e necesidadnan di e mercado laboral. E concepto nobo ta encera un cooperacion estrecho entre Educacion Profesional y mercado laboral. E cooperacion aki lo yuda Educacion Profesional produci graduado nan cu ta cumpli cu e necesidadnan di mercado. Di e manera aki Educacion Profesional lo por contribui miho na e economia di Aruba.

Durante Fase 1 di e proyecto a desaroya maneho y vision pa introduccion di Educacion Profesional na Aruba y na e institutonan EPI, EPB y OAA.

Fase 2 di e proyecto a cuminsa na januari 2016 y ta encera e renobacion di 10 programa di estudio segun “Beroepsgericht Onderwijsconcept” y standardnan internacional:

1  Electrotechniek – niveau 3 6 Food Service Management – niveau 3
 2  Verpleegkunde – niveau 4  7  Bouwkundig Tekenaar – niveau 3
 3  Financiële Administratie – niveau 4  8  Technicus Sterkstroom Installatie – niveau 4
 4  Travel, Leisure & Hospitality – niveau 4  9  Commercieel medewerker – niveau 2
 5  Financiële Administratie – niveau 3  10  Uiterlijke Verzorging – niveau 2

Den Fase 2 mercado laboral tin un rol hopi importante. Na januari 2016 Departamento di Enseñansa Aruba a organisa un exitoso ‘Brainstorm Session’. Stakeholders di Enseñansa Profesional y mercado laboral a bini hunto na ATIA building, pa intercambia ideanan di con pa crea un miho cooperacion entre Educacion Profesional y mercado laboral.

Den Fase 2 a forma grupo di personanan cu hopi conocemento y experiencia (‘klankbord’) den cada ramo di e 10 programanan den desaroyo. Durante reunionnan consultativo representantenan di EPI, EPB, OAA y Departamento di Enseñansa Aruba a reuni cu mercado laboral pa ricibi feedback valioso di e cualificacion y competencianan cu cada funcion ta exigi y asina adapta e programanan segun locual mercado ta pidi.

E ‘klankbord’ ta inclui personanan di varios compania cu ta traha directamente cu e studiantenan durante nan stage of personanan di departamentonan di Recurso Humano. Cu nan participacion den e encuentronan aki, comercio tin un impacto grandi ariba Educacion Profesional na Aruba.

Mester remarca cu e reaccion di mercado laboral den e Proyecto EPIEPBOAA ta hopi positivo y tanto participacion y apoyo ta grandi.

Diamars 5 di April, 2016 Departamento di Enseñansa Aruba ta organisa e di dos ‘Brainstorm Session’ entre stakeholders di Enseñansa Profesional y mercado laboral, den auditorium di EPI.

Adviesbureau CINOP di Hulanda lo ta presente pa informa mercado laboral encuanto e progreso di e proyecto y tambe sondea e posibilidad pa forma un plataforma di cooperacion entre Enseñansa Profesional y mercado laboral, na beneficio di e studiante.

Na Juni 2016 lo tuma lugar entrenamento di desaroyadornan di curiculo y examen, docentenan y ‘train-de-trainers’. Cu tur e conocemento nobo aki den futuro e expertonan na Aruba mes por produci y renoba otro programanan di estudio.

Fase 3 di e proyecto ta cuminsa na Augustus 2016 y lo prepara docente y ‘train-de-trainers’ pa duna enseñansa segun e concepto nobo di Educacion Profesional.

Departamento di Enseñansa Aruba ta gradici mercado laboral pa e sosten y ta desea tur actornan hopi suerte cu continuacion di e proyecto importante aki!

 


Info / Contact

Pa mas informacion por busca den e alfabet menu riba homepage: [E] Educacion pa Adulto of por tuma contacto cu: DEA > afdeling Scholing

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw