Education Reboot

October 7, 2016

Ministerio di Enseñansa hunto Departamento di Enseñansa Aruba ta organisa den cuadro di “Luna di Enseñansa” un AVO Conference [Education Reboot], diamars dia 18 di october proximo.

[ Registra awo ]

E evento aki ta organisa den colaboracion cu SETAR NVAruba Digital Systems NV y Bureau Innovatie.

Ya pa algun tempo ta discuti e rol di enseñansa den e mundo ‘moderno’. Tecnologia mester ta mas presente den enseñansa, e curiculo mester ta mas adapta na e presente y mester inclui e habilidadnan di siglo 21. Mescos cu lesamento, e habilidadnan riba tereno di tecnologia y IT, e asina yama “21 century skills”, ta wordo mira como habilidadnan esencial pa e siguiente generacionnan domina.

Kico esaki ta nifica pa e actornan den enseñansa? Con nos ta maneha, colabora, siña y educa na un manera ‘moderno’? Kico ta spera di e maestro/docente?

Durante e AVO Conference lo enfoca riba e topico y retonan aki.

Sr. Ivo DongenIT Manager na SETAR NV, ta invita como orador principal. Basa riba su experiencia y practica, sr. Dongen lo elabora e habilidadnan (“competenties”) rekeri den un compania cu no ta para niun momento keto y e similaridad cu locual ta spera di un maestro/docente den e tempo aki.


SMART Schools

Sra. Juliet Carvalhal, desaroyador di e concepto “SMART Schools” lo elobora mas di instrumentonan dirigi na e forma di siña nobo, y lo mustra con na un manera relativamente simpel por incorpora tecnologia den klas, les of den e interaccion cu e alumnonan.


Mobile Tech Lab

IT Manager di Bureau Innovatie, Ir. Marlon Kock, for di su experencia den e mundo di innovacion y tecnologia lo duna un ehempel concreto di con tecnologia moderno por wordo haci mas alcansabel na e studiante. E lo drenta mas den detaye tocante e proyecto “Mobile Tech Lab”. E proyecto ta encera e transformacion di un container di carga den un Laboratorio Tecnologico Mobil cu lo move di scol pa scol den e programa di Traimerdia y lo conta cu “3D printers”, “laser cutters”, “iPads”, computer y paketenan pa siña muchanan mas di electronica y e ultimo tecnologia ey ‘fo.


Hour of Code

Sra. Viviana Carraha di Aruba Digital Systems NV lo elobora mas riba “The Hour of Code”, un proyecto diseña pa demostra cu tur hende por siña e basico di “programming/coding” y pa crea mas interes y participacion riba e tereno aki. Companianan manera GoogleFacebook y Microsoft a inverti den e campaña aki pa contribui na desaroyo di e studiante. Actualmente rond mundo mas di 400 partners y 200.000 educador ta participa na “Hour of Code”, incluyendo aki na Aruba.

Website: [Hour of Code]

E merdia ta priminti di bira uno interesante cu ideanan nobo y practico.

Invitacion special ta bay na e maestro y docente di enseñansa secundario y superior y tur esnan cu tin interes den e topico aki pa acudi na e conferencia diamars dia 18 di october proximo, di 3or di merdia pa 5or di atardi na Cas di Cultura.

Entrada ta gratis.


Registra

Entrada ta gratis, sinembargo admision ta a base di registracion: [Registra awo]

 


Info | Contact

Pa mas informacion por busca den e alfabet menu riba homepage: [L] Luna di Enseñansa of por tuma contacto cu: Departamento di Enseñansa Aruba | Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw