DPS ta clausura aña escolar 2015-2016

July 12, 2016

Pa di dos aña consecutivo Dienst Publieke Scholen (DPS) riba e prome dia di vakantie grandi a celebra clausura di e aña escolar cu un encuentro ameno cu tur cabesante y lider di scolnan cu ta resorta bou di DPS.



Hunto nan a pasa un rato ameno combersando y intercambiando di idea. E encuentro a tuma luga na Surfside Marina.

Director di DPS, Whitney Kock, a splica cu DPS ta uza e ocasion aki pa gradici e lidernan di e scolnan publico pa nan esfuersonan y bon trabou durante di aña escolar 2015-2016.

DPS ta maneha scolnan di diferente nivel den barionan rond Aruba, incluyendo scolnan preparatorio, scolnan basico, scolnan special, Scol Practico pa Ofishi (SPO), MAVO, OAA, HAVO San Nicolas, Colegio EPI y IPA.

Na e ocasion aki DPS a probecha di gradici cuater cabesante pa nan añanan di servicio y desea nan hopi exito y placer den e siguiente etapa di nan bida. Meneer Alexander Figaroa, cabesante di SPO, a yuda den e preparacionnan pa lanta e scol aki y tabata e prome cabesante di SPO. Despues di dos aña meneer Figaroa a scoge pa enfrenta retonan nobo den su carrera di educador. E otro tres cabesantenan, esta Juffrouw Jacintha Semeleer (Scol Primario Kudawecha), Juffrouw Ava Thode (IPA) y Meneer Elgin Nicolaas (Abraham de Veer MAVO) ta bayendo cu nan pensioen bon mereci.



Pa e ocasion aki tabata presente di parti di Ministerio di Enseñansa Stephanie CroesNatasha AnthonyJames van der Linde.DPS a entrega un regalo na e cuater cabesantenan aki como un recuerdo y gesto di aprecio pa nan añanan di dedicacion y trabou duro.


Info / Contact

Dienst Publieke Scholen

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw