Disciplina Consciente cu ritual pa fin di aña escolar

July 3, 2020

Recuerdonan di mi Famia di Scol: Un buki pa alumno traha como ritual di fin di aña escolar.

E buki aki ta ofrece un patronchi pa e alumnonan por documenta nan recuerdonan di e aña escolar. Famia por print y traha e recuerdo personalisa aki na cas, of via scol ta distribui e pa e famianan por completa na cas, of ta trah’e como parti di e materia di Idioma na scol.

Aki por download e buki na idioma Papiamento of Hulandes:


Ritual

Un ritual ta un actividad cu ta uni nos y cu ta marca un ocasion importante den nos bida. Incorpora un ritual na momento di completa e buki aki lo yuda crea un sentido di clausura na e aña escolar 2019-2020, cu ta un aña escolar cu a bin cu asina hopi reto pa nos muchanan y tur profesional cu ta traha den enseñansa.

Pa haya sa mas tocante ritual di fin di aña por bishita e website consciousdiscipline.com y wak e webinar titula “End of Year Rituals to Honor, Celebrate and Heal”.


Recurso na Papiamento

E website consciousdiscipline.com tambe ta contene yen di recursonan valioso pa e temporada di covid-19. Den e parti di recursonan cu por print tin inclui tambe varios material na Papiamento traduci door di Fundacion Educador Consciente Aruba, cu ta e fundacion cu ta promove e programa aki na Aruba y tin den su seno e cuater instructornan certifica di Disciplina Consciente (DC) di Aruba.

Material na Papiamento ta inclui e.o. “Anda cu Miedo” y “Schedule di Dia” na unda maestronan y mayornan por haya posters di e 4 “icons” principal di hala rosea di CD.


Info / Contact

Pa mas informacion por busca [D] Disciplina Consciente of [C] Conscious Discipline den e alfabet menu riba nos homepage of tuma contacto cu:

Scroll To Top
  • © 2011-2020 Department of Education Aruba (DEA)
  • T +297-528-3400
  • F +297-528-3434
  • info@ea.aw