Search Facebook Instagram Twitter

DEA a organisa ronda di consulta cu cabesante

October 29, 2018

Den cuadro di e Plan Nacional di Enseñansa “NOP 2030” y e Siman di Enseñansa, Departamento di Enseñansa Aruba (DEA) a organisa diferente ronda di consulta cu cabesantenan di scol.


Dianan 16 y 17 di October 2018 a tuma luga e prome ronda di consulta cu e cabesantenan di e scolnan primario, scolnan special y openbare avondleergangen (OAA). Durante e encuentro nan aki e cabesantenan a intercambia nan pensamentonan riba e diferente areanan di e sistema di Enseñansa na Aruba.

E ronda di consulta a sigi riba dianan 22 y 23 di October cu e scolnan EPB, EPI, MAVO y HAVO/VWO.

Durante e ronda di consulta cabesante di tur e scolnan na Aruba a haya asina e oportunidad di vocifera nan puntonan di atencion pa Enseñansa y e elementonan cu nan lo kier wak bek den e vision pa Enseñansa 2030.


NOP 2030

Na final di aña 2017 Minister di Enseñansa Sr. dr. A.R. Lampe a encarga Departamento di Enseñansa Aruba cu e desaroyo di e Plan Nacional di Enseñansa nobo: NOP 2030. Meta di e Nationaal Onderwijsplan 2030 ta pa hunto cu tur stakeholder yega na un vision comun pa enseñansa na Aruba. E intencion ta pa e plan keda cla na december e aña aki.

Pa guia e proceso di NOP 2030, un grupo di coordinacion a keda forma pa funcionarionan di maneho di Departamento di Enseñansa. E grupo ta haya sosten di Biblioteca Nacional Aruba, CBS y otro seccionnan den Departamento di Enseñansa mes.

Pa mas informacion tocante ful e proceso di NOP 2030 por acudi na e website di Departamento di Enseñansa Aruba [www.ea.aw] y por sigui nos via social media: Facebook, Twitter y Instagram @EducationAruba.


Info / Contact

Pa mas informacion por busca [N] NOP 2030 den e alfabet menu riba homepage.

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets