Concept Vakantierooster 2020-2021 y 2021-2022

August 7, 2019

E concept vakantierooster pa añanan escolar/academico 2020-2021 y 2021-2022 ta in behandeling. Unabes ricibi input di e stakeholders, e proposicion ta bay pa Minister di Enseñansa di Aruba pa aprobacion.


Con ta scoge e fechanan di vakantie

E vakantierooster pa cada aña escolar ta wordo formula conforme e “Regeling lengte schooljaar en maximum aantal vakantiedagen” (AB 1988 No. GT13) y liñanan di guia cu mester tene cuenta cu e fechanan di examen y dianan oficial di fiesta e.o. Den esaki ta trata na tene mas tanto cuenta posibel cu e mucha, e maestro y e curiculo.

E comienso di un aña escolar, e fechanan di examen y e final di un aña escolar ta fluctua hunto cu dianan internacional di fiesta manera Diaranson di Shinishi, Diabierna Santo y Pasco Grandi.

Departamento di Enseñansa Aruba (DEA) ta e instancia responsabel pa traha e concept vakantierooster como tambe pa stipula e ATV-dagen pa Onderwijspersoneel. Siguientemente Dienst Inspectie van het Onderwijs, Directivanan di Scol y SIMAR ta haya esaki pa duna nan input. Finalmente e proposicion ta bay pa Minister di Enseñansa di Aruba pa aprobacion.

Na momento cu tin e aprobacion di minister, ta publica e vakantierooster oficial y e ATV-dagen pa Onderwijspersoneel riba website [ea.aw].

 


ATV-dagen Ambtenaren y Dia di Fiesta Oficial

E ATV-dagen pa “Ambtenaren en Gelijkgestelden” ta na encargo di Departamento Recurso Humano (DRH).

E Dianan Oficial di Fiesta ta keda publica cada aña pa Departamento di Labor.

Na momento cu tin e aprobacion oficial esakinan tambe ta keda publica riba nos website [ea.aw].

 


Info / Contact

Pa mas informacion por busca [V] Vakantie di scol den e alfabet menu riba nos homepage.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw