Search Facebook Instagram Twitter

Codigo di Proteccion: un lider di proyecto extra pa sostene sector di enseñansa

February 19, 2021

E veld di enseñansa ta uno grandi y ta consisti di basta profesional, cu ta traha cu mucha y hoben, caminda a haya necesario pa busca un lider di proyecto mas, pa asina por logra yuda sigui cu ehecucion di Codigo. Un palabra di gradicimento na Minister di Enseñansa, Ciencia y Desaroyo Sostenibel señor dr. A Lampe, pa su sosten den esaki.

Dia 30 di november 2020 ultimo, lider di proyecto di sector di enseñansa a sigui tene presentacion di Codigo di Proteccion na directiva di scol di SKOA. E presentacion a bay bon y sigur tabata tin su acohida positivo. Tabata tin varios pregunta y reto cu a trece dilanti, manera e siguridad di e maestronan y otro profesional den e tipo di casonan aki, como tambe e interes pa e recapacitacion di señalamento den casonan aki y con e metodo di Signs of Safety ta uza den e 5 pasonan di Codigo di Proteccion. SKOA ta di opinion cu e ley aki mester bira un obligacion y no un derecho pa aplica.

Directiva di SEPB ya tin un concepto di plan di implementacion pa e Codigo y a firma tambe nan compromiso. Tambe e directiva di Scolnan Publico tambe a ricibi nan presentacion di introduccion di Codigo, caminda a elabora un poco mas profundo riba e aspecto di e necesidad di e ley di Codigo.

E proceso di implementacion di Codigo, ta tuma su tempo pa entamina e informacion, pa asina por yega na comprende y acepta cu e cambio aki ta, pa berdaderamente cada un di e profesionalnan cu ta traha cu mucha y hoben di Aruba, tin nan aporte. Importante pa menciona ta, cu e proceso di Codigo ta cana su caminda trankilo, pero cu paso sigur y determina, pa asina cada directiva di scol y stakeholders por logro asimila e informacion pa finalmente por haya nan sosten total. E 5 pasonan rekeri ta basa riba con ta entamina e casonan aki.

Codigo di Proteccion no ta pa persigui e sospechosonan den e casonan aki, e ta mas bien, pa crea siguridad den e situacion di peliger, pa cu e menornan cu ta den riesgo y brinda ayudo inmediato na un forma structura, evitando asina cu e ta bira un melding mas. E acercamento di Signs of Safety cu ta uza den e 5 pasonan, ta principalmente concentra riba e e potencialnan positivo di e famianan.

Lesa mas den e Boletin informativo di Codigo di Proteccion, vol. 4



Abo sa unda pa busca ayudo?


Info / Contact

Pa mas informacion por busca den e alfabet menu riba nos pagina principal:

Por tuma contacto cu:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets