Buki di nos parhanan lo sirbi como referencia na scol

December 15, 2016

Recientemente a lansa un buki cu ta registra e variedad di parha cu tin na Aruba, nan informacion, nan potret, entre otro, cual sigur pa un alumno ta un buki hopi valioso.

Ta trata aki di e buki Wildlife Aruba traha door di Aruba Birdlife Foundation.

Minister di Enseñansa Michelle Hooyboer-Winklaar ta hopi contento cu e buki aki ya cu e lo por wordo uza como material pa scol.

Den nos bista ta algo sumamente importante pa nos studiantenan, pa nos hobennan sa, pa nos por stimula tog un generacion cu lo proteha loke nos tin como naturaleza, asina e mandatario a enfatisa.

 

El a gradici Greg Peterson cu a traha e buki aki. Ta conoci cu sr. Peterson ta un persona basta activo cu sacamento di potret di nos parhanan y cu a compila esaki den un buki basta diki cu tur e informacion necesario, sea pa un hoben, studiante of cualkier persona interesa y cu kier sa mas di e tema aki.

E buki aki lo fungi como referencia pa scolnan y cualkier hende. Esaki ta algo sigur cu nos tabata kier pa tur scol tin y cu lo por haci uzo di dje den diferente klas. Sea den un les specifico, den pauze of cualkier otro momento cu mester di dje, asina Minister Hooyboer-Winklaar a subraya.

Den cuadro di esaki, e mandatario, hunto cu e personanan cu a haci e buki aki posibel, a bishita Mon Plaisir School pa haci entrega di un ehemplar. Nan tabata masha contento di por a splica di e buki na e studiantenan y contesta cualkier pregunta cu nan por tin relaciona cu esaki.

 

 


Info / Contact

Pa mas informacion por busca den e alfabet menu riba homepage: [M] Ministerio di Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw