Ayudo financiero pa bay scol

August 11, 2016

Pa e aña escolar 2016-2017 Gobierno lo bolbe duna un ayudo financiero extra na tur famia cu ta riba bijstand y cu tin yiu cu ta bay scol. Esnan cu por bin na remarca pa e sosten extra aki ta mayornan y yiu(nan) of yiu(nan) di criansa cu ta bayendo scol te cu e edad di 24 aña y cu tin derecho ariba bijstand te cu e pago di luna di Augustus 2016.

Esaki pa yuda cubri gastonan extra cu mester paga pa cumpra paña, sapato, articulonan pa scol etc. E areglo aki ta conta tanto pa alumnonan di Scol Preparatorio (Kleuterschool) como alumnonan cu ta bishita scol regular durante dia (volledig dagonderwijs).

Condicion ta cu e yiu(nan) mester ta bibando na Aruba y cerca e mayornan den cas y nan mester ta inscribi pa e aña escolar 2016-2017.

 

E sosten extra aki ta wordo duna den dos forma:

1. Schoolgelduitkering – Pa cada yiu cu ta bay scol lo ricibi Awg. 120,- extra (te na un maximo di Awg. 500,- pa famia) pa yuda pa cubri gastonan extra cu tin (schoolgelduitkering). Ta paga e placa aki hunto cu e pago regular di bijstand na luna di September 2016.

2. Ouderlijke bijdrage – Tambe Gobierno lo yuda paga un parti di e contribucion cu e mayor mester paga na e scol di su yiu (ouderlijke bijdrage) te cu un maximo di Awg. 120,- pa persona. Esaki ta wordo paga directamente na e scol. Si e contribucion ta mas hopi cu e suma di Awg. 120,- mayor lo mester paga e diferencia. E ayudo extra aki ta pa un solo biaha.

Formulario pa aplica

Departamento di Asunto Social ta pidi esnan concerni pa tuma bon nota di lo siguiente:

Pa mas informacion por yama libremente na 528-1100 y pidi pa Seccion di Bijstand. Den caso cu mayor(nan) no ta entrega e formulario prome di dia 30 di Augustus 2016 na Departamento di Asunto Social, e famia lo NO por ricibi e pago extra mas. Tampoco no tin derecho ariba e pago regular di Awg. 200,- pa cada mucha cu ta bay scol pa motibo cu no tin prueba e ora ey cu berdad e muchanan ta bayendo scol y ta bibando cu mayornan na Aruba.

Na momento cu e schoolverklaring (formulario di scol) ta entrega na Departamento di Asunto Social , e pago di Awg. 200,- pa luna lo wordo continua (lo no por ricibi placa aki retro activo).

Si acaso tin yiu cu no ta bay scol mas, lo mester notifica esaki na Departamento di Asunto Social . Si no ta entrega schoolverklaring, ta considera cu e yiu(nan) NO ta bay scol mas y esaki tin como consecuencia cu e bijstand lo baha y ta keda blokia pa luna di september 2016 den espera di informacion corecto.


Info / Contact

Pa mas informacion por busca den e alfabet menu riba homepage: [S] Subsidio of por tuma contacto cu  Departamento di Asunto Social.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw