Aruba ta conta cu 9 programa di estudio segun e “BKS”

December 15, 2016

Recientemente a tuma luga e clausura di e proyecto di desaroyo y renobacion di Programanan di Estudio na EPI, EPB y OAA.

Na November 2015 Departamento di Enseñansa Aruba (DEA) a cuminsa cu e proyecto di desaroyo y renobacion di Programanan di Estudio na EPI, EPB y OAA.

E proyecto ta encera modernisa y actualisa Educacion Profesional (beroepsgericht onderwijs) basa riba desaroyonan nacional y internacional. “Beroepsgerichte Kwalificatie Structuur” (BKS) y standardnan internacional a sirbi como ‘Benchmark’ pa yega na un concepto nobo di Educacion Profesional.

Durante fase 1 di e proyecto a desaroya maneho y vision pa introduccion di Educacion Profesional na Aruba y na e institutonan  EPI, EPB y OAA. Alabes durante Fase 1 cada scol a traha un presupuesto di mas aña.

Durante fase 2 di e proyecto a forma gruponan di trabou consistiendo di representantenan di EPI, EPB, OAA y DEA, kendenan a keda encarga cu desaroyo di 9 programa di estudio, segun “Beroepsgerichte Kwalificatie Structuur” (BKS). Fase 2 a wordo supervisa pa Seccion Curiculo, bou guia di CINOP Advies.

Aruba awor ta conta cu 57 persona cu a ricibi training intensivo den desaroyo di programanan di estudio, segun e “Beroepsgerichte Kwalificatie Structuur” (BKS).

Durante fase 2 representantenan di EPI, EPB, OAA y DEA a reuni tambe cu mercado laboral pa ricibi feedback valioso (klankbordgroepen) di e cualificacion y competencianan cu cada funcion ta exigi y asina incorpora e feedback aki den e 9 programanan.

Alabes durante fase 2 Departamento di Enseñansa Aruba a organisa 3 ‘Brainstorm Session’ entre stakeholders di Enseñansa Profesional y mercado laboral, pa sondea e posibilidad pa forma un plataforma di cooperacion entre Enseñansa Profesional y mercado laboral, na beneficio di e studiante.

Durante fase 3 a prepara docente y ‘train-de-trainers’ pa duna enseñansa segun e concepto nobo di Educacion Profesional.

Departamento di Enseñansa Aruba (DEA) a haya sosten di Adviesbureau CINOP di Hulanda durante tur tres fase. CINOP ta un instancia cu tin hopi aña di experencia riba e tereno aki tanto na Hulanda como internacionalmente, na Portugal, Sur Africa y otro pais.

Durante e clausura Departamento di Enseñansa Aruba a otorga certificado di aprecio na tur miembro di comision di e proyecto. Tambe DEA di un forma simbolico a entrega e programanan di estudio segun “Beroepsgericht Onderwijsconcept” na Minister di Enseñansa Michelle Hooyboer-Winklaar. CINOP na su turno a entrega certificado na tur e personanan cu a sigui e Trainingnan di CINOP.

Aruba awor ta conta cu 9 programa di estudio, segun “Beroepsgerichte Kwalificatie Structuur” (BKS):

Eerste Monteur Elektrotechnische Installaties Woning en UtiliteitMBO niveau 3. E personanan cu a forma parti di e grupo piloto aki ta: Roderick Poulina, Anthony Figaroa, Michiel v/d Blonk, Helen v/d Wielen, Tricia Everon y Randy Tromp.
Verpleegkunde MBO niveau 4. E personanan cu a forma parti di e grupo piloto aki ta: Rimmie Tromp, Dominique Linssen, Rucolf Robles, Ninon Swaen, Alexandra Tromp y Donna Canhigh.
Supervisor Travel, Leisure & HospitalityMBO niveau 4. E personanan cu a forma parti di e grupo piloto aki ta: Lucy Kelly, Soraima Martinus, Susan O’Connor, Ruben Mannes, Zahaira Supriana y Ryan Maduro.
Financieel AdministrateurMBO niveau 4. E personanan cu a forma parti di e grupo piloto aki ta: Vanessa Scholing-Pietersz, Juliette Bomba, Christopher Croes, Natalie Carlo y Gerald Kross.
Financieel Administratief MedewerkerMBO niveau 3. E personanan cu a forma parti di e grupo piloto aki ta: Christopher Croes, Esmenia Davis, Kindra de Cuba-Sprok, Lucy Heim y Eddelyn Dijkhoff.
Assistant Food & Beverage Supervisor MBO niveau 3. E personanan cu a forma parti di e grupo piloto aki ta: Andres R. Geerman, Vanessa Tromp-Loefstop, Sidney Regales, Ivonne Dijkhoff, Priscella Henriquez y Raymond Lesire.
Bouwtechnisch TekenaarMBO niveau 3. E personanan cu a forma parti di e grupo piloto aki ta: Aymon Kelly, Soraya Peterson, Othmar Maduro, Dino Quandt y Bruno Croes.
Commercieel MedewerkerMBO niveau 2. E personanan cu a forma parti di e grupo piloto aki ta: Melany de Roo-Wanga, Rosa Angela-Bello, Beverly Angela, Michael Croes y Suze Binke.
Junior Beautician MBO niveau 2. E personanan cu a forma parti di e grupo piloto aki ta: Charissa Croes-Kock, Alexandra Vrolijk y Suze Binken.

E proyecto di desaroyo y renobacion di Programanan di Estudio na EPI, EPB y OAA a duna un empuhe na un trayectoria di renobacion di Educacion Profesional (beroepsgericht onderwijs). E prome parti di e proyecto aki a wordo financia pa FDA. Tur e conocimento adkiri sigur lo yuda nos pa sigui innova. Na 2017 lo sigui traha na e condicionannan pa implementa e programanan.

Departamento di Enseñansa Aruba ta gradici tur hende cu di un manera of otro a contribui na e proyecto aki y cu a comparti nan expertisio pa asina haci e proyecto aki un exito. Masha danki pa e sosten brinda. Nos ta spera di por sigui conta cu boso sosten na 2017.

 


Info / Contact

Pa mas informacion por busca den e alfabet menu riba homepage: [E] Educacion pa Adulto of por tuma contacto cu: DEA > afdeling Scholing

Henter comunidad: alumno, studiante, mayor, coleganan maestro y/of cabesante di scol, ta bonbini pa nomina un persona of proyecto escolar pa Appel di Oro 2015. Pa haci esaki mester download e formulario di aplicacion for di riba e website Enseñansa Aruba | ea.aw. Lesa e preguntanan y describi en corto y mas concreto posibel pakico bo kier nomina e persona of proyecto.
Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw