Aruba Hour of Code 2018
Tur aña miyones di mucha rond mundo ta participa na “Hour of Code”. Na Aruba a organisa e prome Hour of Code na aña 2015 y e aña aki un cantidad di organisacion y boluntario ta trahando hunto pa introduci “computer science” na mas mucha posibel.
“Hour of Code” ta un proyecto cu ta introduci mucha na “computer science” cu e meta pa stimula nan interes den e area aki. Den un (1) ora e mucha ta siña e base di “coding” y “programming” den forma di wega riba computer (desktop, laptop y/of tablet). Ta haci esaki atractivo pa e mucha uzando topiconan cu ta fit nan interes manera p.e. Star Wars, Minecraft, Frozen y Angry Birds.
Gobierno di Aruba conhuntamente cu stakeholders den e area di ICT y institutonan di enseñansa ta organisando Aruba Hour of Code 2018 entre 3 y 7 di december.
SETAR N.V.
Setar N.V. a kick-off Hour of Code cu mas di 40 mucha di entre 8 y 12 aña di edad. E muchanan a haya e oportunidad pa experimenta cu 3D printing, robots, drones y VR. Na final tur mucha a ricibi un certificado.
Biblioteca Nacional
Na aña 2015 Juffrouw Paola, como stagiaire di IPA, a organisa e prome Hour of Code pa muchanan di Mon Plaisir College. Esaki a tuma luga na Biblioteca Nacional Aruba (BNA). Desde 2015 Biblioteca ta participa activamente na Hour of Code y e aña aki un biaha mas ta prepara pa ricibi un cantidad di mucha.
WEB Aruba N.V.
E team di WEB Aruba N.V. ta cla pa ricibi klasnan 5 y 6 di Colegio Santa Famia.
Emmaschool
University of Aruba
Universidad di Aruba a host alumnonan di klas 5 y 6 di Rosario College.
Gamma IT Solutions
Gamma IT Solutions a host e muchanan di klas 4B y 5A di Mon Plaisir Basischool pa un #HourofCode.
Arubabank
Aruba Bank N.V. a host alumnonan di Pius X School pa un #HourofCode.
Scol Practico pa Ofishi Santa Cruz
Na Scol Practico pa Ofishi (SPO) Santa Cruz tur alumno ta haya e oportunidad pa participa na Hour of Code durante les di Informatiekunde di Juf Koolman. SPO a inscirbi via Futura y a haya nan sosten como tambe di boluntarionan di Dienst Publieke Scholen (DPS), Setar, ITP Caribbean y tambe di scol mes. Esaki ta di 3 aña cu SPO ta haci Hour of Code y e alumnonnan ta participa cu hopi smaak.
La Salle College
Bou guia di Universidad di Aruba e alumnonan di CB2 di La Salle College a participa na Hour of Code. Mirando e entusiasmo di e muchanan La Salle College ta spera di por laga mas alumno participa den futuro.
EPB
Conferencia di Prensa
Durante un conferencia di prensa pa kick-off e Aruba Hour of Code 2018, Ivo Dongen (Setar), Renald Laing (IPA) y Peter Scholing (Biblioteca Nacional) a splica un poco di e proyecto. Un proyecto cu tin como meta pa stimula interes di e muchanan den “computer science”, pero tambe pa trece conscientisacion riba e habilidadnan necesario pa siglo 21, manera con pa analisa y soluciona problema, con pa ta flexibel y deal cu cambio, con pa traha hunto y ta creativo entre otro.
Prome Minister Evelyn Wever-Croes tambe a hiba palabra y a felicita tur esnan cu ta haci e proyecto aki posibel. “Innovacion ta halto riba agenda di gobernacion, pues tin cu duna sosten na tipo di proyectonan asina.” el a remarca.
Partners
Info / Contact
Pa mas informacion busca [H] Hour of Code den e alfabet menu riba nos homepage of por tuma contacto via email na innovation@gobierno.aw
Scroll To Top
