Anochi di infomacion na Colegio EPI

February 28, 2017

Colegio EPI ta organisa su anochi di informacion diabierna dia 3 di maart proximo caminda lo duna informacion valioso na tur studiante di scolnan secundario.

Meta principal di e anochi di informacion ta pa informa studiantenan di scolnan secundario EPBMAVO y HAVO tocante e opleidingnan cu tin na Colegio EPI y kico ta e rekisitonan di admision.

Ta importante pa tene na cuenta cu pa wordo acepta pa un opleiding mester cumpli cu e profiel cu e opleiding ta exigi.

E anochi di informacion lo tuma lugar den e Auditorium di Colegio EPI, caminda lo tin varios booth di informacion di e opleidingnan.

Ora un studiante caba Colegio EPI e ta un profesional riba nivel intermedio (MBO). Hopi studiante ta dicidi cu nan kier sigui studia despues riba nivel HBO. Durante e anochi aki e studiante por haya mas informacion tocante esaki y tambe lo tin oportunidad di papia cu studiantenan actual di Colegio EPI y nan experencia na scol.

Pa e studiante cu ainda no ta sigur den cua ramo e kier sigui studia den futuro, Colegio EPII ta encurash’e pa pasa bishita tur e boothnan presente pa asina e por haya informacion di tur opcion cu Colegio EPI ta brinda.

Colegio EPI ta encurasha mayornan tambe pa bin cu nan yiunan pa asina duna guia y sosten den nan decision pa scoge un estudio.

E anochi di informacion lo tuma luga diabierna dia 3 di maart proximo, for di 5:30 di atardi pa 8:00 di anochi den e Auditorium di Colegio EPI.

Pa mas informacion di e anochi di informacion, un mapa di e campus y Colegio EPI en general por bishita e website na www.epiaruba.com.

 

Arubalening pa studia na EPI

Land Aruba ta brinda studiantenan cu kier sigui studia un prestamo pa financia e estudio aki: Arubalening.

E studiante cu ta opta pa continua cu un estudio na nivel di middelbaar beroepsonderwijs na Aruba por aplica pa e producto Arubalening EPI[mas informacion]

 

 


Info / Contact

Pa mas informacion por busca den e alfabet menu riba homepage: [E] Educacion Profesional Intermedio (EPI).

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw