Acuerdo cu St. Mary’s College of Maryland extendi

April 25, 2017

Minister di Enseñansa Michelle Hooyboer-Winklaar ta anuncia cu Gobierno di Aruba a reanuda e acuerdo cu St. Mary’s College of Maryland pa 5 aña mas.

Minister Hooyboer-Winklaar, despues di follow up riba combersacionnan di un bishita na Maryland na comienso di aña 2016 a logra formalisa un acuerdo cu e instituto aki cu ta inclui diferente incentivo special pa nos studiantenan di Aruba. Entre nan un scholarship special y tambe descuento riba gastonan di estudio pa tur studiante cu ta cumpli cu e average di puntacion stipula den e acuerdo.

Awo a logra extende esaki pa un periodo mas largo di cooperacion.

Residential Scholarship

E minister ta splica cu e acuerdo cu a extende cu St. Mary’s College ta inclui un Aruba Residential Student Scholarship cu ta encera un scholarship automatico di $ 3000,- pa aña pa studiantenan di Aruba.

Studiantenan di Aruba ta cualifica pa ricibi e Residential Scholarship aki tur aña durante un periodo di 4 aña consecutivo. E scholarship aki ta yuda baha e gastonan anual di estudio pa nos studiantenan.

 

Merit Scholarship

Banda di e Residential Scholarship di $ 3000,- pa aña studiantenan di Aruba tambe por bin na remarke pa un Merit Scholarship di $ 15.000,- pa aña pa studiantenan di prome aña (first year) y transfer students por bin na remarke pa un Merit Scholarship te na un maximo di $ 8000,- dollar pa aña.

Ambos scholarship ta wordo otorga den caso cu studiantenan di Aruba cumpli cu e rekisitonan stipula pa loke ta Grade Point Average (GPA) como tambe e resultado di SAT.

Merit Scholarship ta wordo extende cada aña te na un maximo di 4 aña den caso cu e studiante mantene su GPA na e nivel cu ta wordo stipula den e acuerdo, den e caso aki ta un GPA minimo di 3.0 of mas halto.

Como parti di e acuerdo St. Mary’s College y Gobierno di Aruba a stipula cu lo garantisa un maximo di 20 cupo pa studiantenan di Aruba pa aña. E grupo di studiante aki por conta cu e Residential Scholarship automatico y tambe ta bin na remarke pa e Merit Scholarship.

 

Acuerdo

E acuerdonan ta obtenibel riba nos website EA.AW: [Studia na Merca > Institutions]

Minister Hooyboer-Winklaar ta sumamente satisfecho cu a logra extende e acuerdo aki na beneficio di nos studiantenan di Aruba. Mientras tanto ta trahando pa sigui amplia e cantidad di acuerdo pa asina nos studiantenan por tin mas opcion atractivo den Norte America y den region.

 

Website

St. Mary’s College ta un instituto di enseñansa superior cu ta keda den e estado di Maryland y tur programa cu e college ta ofrece ta acredita como “honors”.

Website: [St. Mary’s College]

Pa mas informacion busca den e alfabet menu riba nos homepage:
S
Studia na Merca
Info/Contact
Ministry of Education

 

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw