Tur scol na Aruba awo conecta riba Fiber
May 9, 2025
SETAR ta orguyoso di anuncia cu a finalisa e proyecto di Fiber “Next Generation”, conectando tur scol na Aruba riba Fiber.
Un proyecto cu a cuminsa na 2022, di cual awo scolnan na 83 adres ta disfruta di un conexion di internet via fiber y tur su beneficionan na un prijs special.
E logro aki ta marca un stap grandi pa modernisa e experiencia den enseñansa, sigurando cu nos studiantenan, maestronan y institutonan educativo tin acceso na e hermentnan necesario pa por crece den e mundo digital.
Cu un inversion di mas di 1 miyon florin, e proyecto aki ta refleha SETAR su compromiso pa aporta na nos comunidad y educacion di nos futuro generacion. Hunto nos ta creando un Aruba mas fuerte y conecta.
Fuente: SETAR
