Informacion di AZV pa esnan cu ta bay studia afo
21/07/2025
Esnan cu ta bay studia afo mester tene cuenta cu cancelacion di inscripcion na AZV.
Ora di salida
- Cancela (schrijf uit) prome for di Censo.
- Asina cu bo schrijf uit for di Censo; AZV lo ricibi e informacion aki automaticamente den sistema y lo cancela bo nomber.
- Pa bo keda segura e dianan cu ainda bo ta na Auba, bo ta manda e siguiente informacion na klantenservice@uoazv.aw: bo ticket di biahe y copia di bo paspoort.
- Si acaso bo bira malo, bo ta haci uzo di bo AZV app.
Ora bo a cancela pero no ta bay mas
- Den caso cu bo a cancela (schrijf uit) na Censo y AZV pero bo plan a cambia pa cualkier motibo, percura pa bo inscribi bek mas lihe cu ta posibel na Censo y AZV.
- Haci esaki mas pronto cu ta posibel despues cu bo a inscribi na Censo pa medio di un peticion na klantenservice@uoazv.aw hunto cu un copia di bo ID valido.
- Tene cuenta cu si bo no inscribi mesora bek na Censo y AZV, gastonan medico inespera durante e periodo cu no ta inscribi/sigura, lo ta pa bo propio cuenta.
Ora bo ta bin biba bek na Aruba
- Ora bo ta bin biba definitivamente bek na Aruba, bo mester corda di cancela (schrijf uit) for di e pais.
- Na yegada, bo ta inscribi na Censo y AZV.
- Haci esaki mas pronto cu ta posibel via klantenservice@uoazv.aw mandando un formulario di inscripcion (bo ta haya esaki riba azv.aw) y un scan di bo ID valido.
- Pa cualkier pregunta, por tuma contacto cu AZV na 5279900.
Info / Contact
Pa mas informacion por tuma contacto cu AZV:
- Website: azv.aw
- Facebook: facebook.com/AZVAruba
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Sigui nos via social media:
- DEA facebook: @educationaruba
- DEA instagram: @educationaruba