Deadline di registracion pa Arubalening 2026 ta yegando

13/03/2026

Studiantenan cu ta desea di bin na remarca pa un Arubalening entrante augustus 2026 tin cu tene cuenta cu e deadline di dia 24 di maart proximo.

Studiantenan cu ta desea di bin na remarca pa un Arubalening entrante augustus 2026 tin te cu dia 24 di maart 2026 pa registra un account y upload e 3 prome documentonan necesario. E tres documentonan aki ta:

prueba di persoonsnummer di Departamento di Impuesto (por pidi esaki online)
prueba di adres (obtenibel na Censo)
prueba di periodo di inscripcion na Land Aruba (obtenibel na Censo).

E proximo deadline importante ta 31 di maart 2026, cu ta e ultimo fecha pa yena e aanvraag pa Arubalening pa augustus 2026. Pa bo por yena esaki bo mester di aprobacion di e prome documentonan menciona ariba.

Please tene na cuenta cu e proceso di aplicacion tin diferente paso cu diferente deadlines. Tambe mester tene na cuenta cu e fechanan di deadline ta mara na e ley di Arubalening, pues no por desvia for di e fechanan aki.

Arubalening te’y pa yuda bo caba di registra!

Mirando cu e deadlinenan ta asercando pa por registra pa yega na remarca pa Arubalening na augustus 2026, personal di Arubalening lo tin un dia special pa yuda boso haci esaki.

Dia 19 di maart 2026 e departamento di Studiefaciliteiten, Arubalening, lo ta habri na un orario special pa asina yuda esnan cu falta pa caba di registra nan account. Nos oficinanan situa na John F Kennedy Education Center lo ta habri for di 8or di mainta te cu 8or di anochi stret pa asina yuda esnan cu ta desea esaki, caba di registra prome cu e deadline di dia 24 di maart 2026.

Documentonan necesario ta: bo paspoort valido, bo persoonsnummer y un papel di 5 y un di 10 florin di Censo.

Por pasa na nos oficina dia 19 di maart 2026 for di 8am pa 8pm y nos lo por yuda bo caba di registra pa wak si bo ta yega na remarca pa un Arubalening pa augustus 2026.

No perde e oportunidad.