DUO na Aruba (nov 2026)

27/10/2026

Bo kier bay studia na Hulanda e proximo aña escolar/academico? Dienst Uitvoering Onderwijs (DUO) ta invita bo pa inscribi pa un encuentro informativo na Aruba.

Sesion di informacion “Studeren in Nederland”

Bo por inscribi pa e encuentro informativo “Studeren in Nederland” di dialuna 9 di november of diamars 10 di november pa 7or di anochi na Aruba.

Contenido di e encuentro

Durante e encuentro, lo bo discubri di kico e financiamento di estudio ta consisti. Bo ta scucha loke bo por ricibi, kico bo mester regla y naturalmente bo por haci pregunta. Tambe bo lo tende for di otro studiante di Caribe tocante nan experiencia con e ta pa studia na Hulanda.

Oficina di servicio temporario

Si bo tin mas pregunta despues of bo mester di ayudo pa yena formulario, bo por bishita e oficina di servicio temporario di DUO na Aruba entre dialuna 9 di november y diabierna 20 di november proximo. No ta necesario pa traha cita. Si ta importante pa trece bo paspoort, carchi di identificacion (ID) of rijbewijs valido.