Ban biblioteca den vakantie
Biblioteca Nacional Aruba (BNA) ta yama tur mucha bonbini den vakantie grandi! Durante vakantie escolar biblioteca ta pasa, tur siman, un pelicula (cartoon) riba e screen grandi den su teatro den aire liber. Tanto na biblioteca na Playa como su sucursal na San Nicolas. Ademas di esaki tin tayer pa mucha pinta T-shirt.
Tur actividad ta completamente gratis. Nos ta pidi mayor pa trece nan yiu biblioteca pa busca buki pa lesa durante vakantie. Miembrecia pa mucha y hoben bou 18 aña ta gratis. Pa mas detaye manera fecha y ora, por bishita website di biblioteca of Facebook.
- Website: bibliotecanacional.aw
- Facebook: facebook.com/bibliotecanacionalaruba
Riba e programa di pelicula den aire liber tin: Moana 2, Zootopia 2, The Super Mario Galaxy y Hoppers.
Buki di Pret
Biblioteca tambe ta participa den e programa vacacional di Buki di Pret. A reparti e bukinan na tur scol basico.
E actividad di biblioteca den e programa aki ta 2 tayer pa pinta bo mes T-shirt. Un tayer na Biblioteca Oranjestad y otro na sucurasal San Nicolas. Cupo ta limita, asina ta mayornan, inscribi e yiu pa e no perde e chens aki!
Pa esnan cu ta interesa pa descubri algo nobo y diferente, ta ofrece un bunita exposicion di Velvet Zoe Ramos cu ta den sala di actividad na Biblioteca Oranjestad.
Miembrecia
Biblioteca ta ofrece miembrecia gratis pa baby, mucha y hoben bou 18 aña. Esaki ta habri un mundo di buki, storia y informacion den diferente forma, tambe eBooks y audiobooks. Miles di buki ta warda pa e mucha y hoben bin descubri y explora!
Tambe biblioteca ta ofrece espacio pa studia, siña, topa y reuni, computer cu internet y Free WIFI. Ademas tin espacio pa diferente evento y exposicion.
Biblioteca ta habri di dialuna pa diabierna. Biblioteca tey pa bo tambe.
Info / Contact
Biblioteca Nacional Aruba (BNA)
Scroll To Top