A presenta e rapport na e Minister di Salubridad, Asunto Social, Cuido di Adulto Mayor y Maneho di Adiccion y e Minister di Relacionnan den Reino, Enseñansa, Hubentud, Innovacion y Deporte, como tambe conseheronan di e ministerio di Asuntonan General, Cultura, Medio Ambiente y Naturalesa y e ministerio di Turismo, Transporte y Labor.

Den e rapport aki ta mustra cu ainda tin puntonan structural cu ta haci detecta autismo trempan, e proceso di diagnostico, verijzing y sosten dificil. Tambe e ta menciona cu den sector di educacion tin hopi disponibilidad pa inclusion, pero scolnan ta indica cu tin necesidad di randvoorwaarden mas fuerte: mas conocemento profesional, sosten den klas, colaboracion multidisciplinario y liñanan di maneho mas claro. Tambe participacion di e mayornan ta esencial, pero esaki hopi biaha ta wordo complica pa falta di informacion, presion di tempo y tin biaha falta di posibilidad pa haya permiso di trabou pa cita y cuido relaciona cu nan yiu.

E reunion a bay hopi positivo unda cu a yega na diferente acuerdo pa e siguiente pasonan pa asina por traha riba e diferente puntonan presenta.

E rapport aki a wordo traha a base di infomacion di tur e miembronan di e Comicion Nacional di Autismo como tambe diferente stakeholders di e sector di educacion. E rapport lo ta accessibel pa publico entrante 2 di April 2026, Dia Mundial di Autismo.

E petit comité cu a traha riba e rapport aki ta consisti di Fundacion Autismo Aruba, Departamento di Enseñansa Aruba, Bureau Multidisciplinair Centrum y Respaldo.

E comicion ta consisti di e siguiente organisacionnan: