Comision Derecho di Mucha
Recientemente Comision Derecho di Mucha a comparti su desaroyo cu e Coordinador Nacional di Hoben y e beleidsadviseurs di minister di Enseñansa Gerlien Croes.
Den un presentacion a enfoca riba e derechonan di mucha na Aruba, e situacion actual di e muchanan, y con tur sector por traha hunto pa haci un diferencia.
Durante e encuentro, a wordo trata temanan importante manera pobresa bou di mucha, muchanan indocumenta, salud y enseñansa.
E comision a pone enfasis riba importancia di conscientisacion, colaboracion y mehoracion di data pa guia maneho y accion concreto pa bienestar di nos muchanan.
Aruba tin 20.737 mucha cu comision ta boga p’e. E aña aki e comision lo realisa un campaña enfocando riba seguridad digital.
Nos ta agradecido pa e espacio di dialogo y compromiso comparti pa sigui sali pa e derechonan di mucha na Aruba.
