DUO na Aruba (maart 2026)

27/03/2026

Bo ta bay studia na Hulanda e proximo aña escolar/academico? Ta importante pa bo regla algun cos na tempo.

Sesion di informacion “Studeren in Nederland”

Pa yuda bo, Dienst Uitvoering Onderwijs (DUO) ta organisa dos sesion informativo “Studeren in Nederland” dialuna 16 y diahuebs 19 di maart proximo pa 7 ‘or di anochi den MFR 1 & 2 situa na John F. Kennedy Education Center, Stadionweg 37, Aruba.

Ta obligatorio pa inscribi si bo tin interes pa atende e sesion informativo. Inscribi aki

Contenido di e encuentro

Durante e sesion lo bo tende kico tur bo mester regla pa bo financiamento di estudio na Hulanda. Tambe DUO lo splica bo con y pakico bo ta haya un burgerservicenummer (BSN) y kico bo por haci cu ne. Ademas, lo bo haya algun conseho util. Por ehempel, pa pidi un DigiD y un seguro di cuido. Naturalmente durante e sesion bo por haci pregunta tambe.

Oficina di servicio temporario

Si bo tin mas pregunta despues of mester di ayudo pa yena formulario, bo por bishita e Oficina di servicio temporario di DUO situa hunto cu e seccion di Arubalening na John F. Kennedy Education Center, Stadionweg 37, entre 16 di maart te cu 27 di maart 2026. Bo no mester haci cita. Sinembargo, bo mester trece bo paspoort, cedula of rijbewijs valido si.