Kiwanis San Nicolas y Car Rentals a yuda hobennan pa aña escolar nobo
Kiwanis Club di San Nicolas (KCSN), dedica na sirbi y empodera hobennan di nos comunidad, a uni forsa cu cuater car rental generoso pa yuda studiantenan cuminsa aña escolar 2025–2026 bon prepara y cu confiansa.
Danki na e gran apoyo di Sunset Car Rental, SIXT Aruba, More4Less Car Rental y Smart Rent — cu bo sosten, nos a duna tas pa scol yena cu material pa studiantenan di kleuter, scol basico y secundario, particularmente na San Nicolas, un comunidad cu tin hopi hoben cu gran potencial y promesa pa futuro.
Riba un diabierna atardi, mayornan y cuidadonan a yega pa ricibi e tasnan y pasa un rato agradabel cu otro. E entrega aki tambe ta un muestra di aprecio y sosten pa e famianan.
Na KCSN, nos ta kere cu “ta tuma un comunidad pa cria un mucha.” Aunke nos no por yega tur hubentud, cada aporte ta conta. Nos ta spera cu e tipo di colaboracion aki por inspira mas empresa y contribuyentenan pa uni na e bienestar di nos hobennan, no solamente na cuminsamento di e aña escolar, pero henter aña.
Nos ta hopi agradecido pa e colaboracion aki y nos ta mira dilanti pa logra cosnan bunita hunto.
Keda pendiente — KCSN y su partnernan tin hopi mas bon riba caminda!
Info / Contact
