Exitoso encuentro entre PEL y sector di Hospitalidad y Turismo
Dia 21 di mei, Plataforma Educacion y Labor (PEL) a organisa un reunion cu e representantenan di e Sector Hospitalidad y Turismo y e departamentonan di pasantia di e scolnan di ABO, unda a intercambia idea y opinion pa e futuro di e sector.
E meta di esaki ta pa traha hunto riba un miho conexion entre e scolnan y mercado laboral.
Durante e encuentro, e participantenan di enseñansa y mercado laboral a tene un dialogo habri, unda a comparti idea y sugerencia riba e necesidad- y cambionan cu ta necesario den e sector pa asina por acopla nan na nos mercado y economia.
E intencion ta pa e tipo di encuentronan aki tuma luga regularmente. E tabata un reunion hopi bon atendi y hopi informacion valioso a wordo comparti. Esaki ta mustra e importancia di PEL y e bunita cooperacion pa e futuro di hospitalidad y turismo na Aruba.
Fuente: Facebook page @platformeducationlabor
Info / Contact
Pa mas informacion por busca den e alfabet menu riba e pagina principal:
Scroll To Top
