Curso di Maestro Multilingual disponibel riba Matrix
Awo e curso pa Maestro Multilingual ta completamente online, disponibel riba Matrix, e plataforma digital pa profesionalisacion di actornan den enseñansa.
E curso pa Maestro Multilingual ta special pa maestro y docentenan di enseñansa primario (primair onderwijs), enseñansa secundario (voortgezet onderwijs) y enseñansa secundario riba tereno profesional (beroepsonderwijs).
E curso aki ta parti den cuater (4) unidad y cada unidad ta un idioma, esta Papiamento, Hulandes, Spaño y Ingles. Pa refresca e dominio di cada idioma, lo enfoca riba e foutnan mas comun cometi den nos contexto, teniendo cuenta cu e puntonan mas relevante cu ta bin dilanti den enseñansa. Tambe ta compara e idiomanan cu otro pa sostene nos habilidad multilingual.
E curso aki a wordo crea door di Centro pa Desaroyo Profesional Continuo (CDPC) di Instituto Pedagogico Arubano (IPA).
E curso ta finalisa cu un Test Multilingual y despues di haal esaki, e cursista lo ricibi un certificado.
E curso ta completamente self-paced, pues e maestro of docente por haci esaki riba su propio tempo.
Participacion ta gratis.
Ta invita maestro y docente pa registra pa e curso di Maestro Multilingual riba nos portal digital pa profesionalisacion:
Otro cursonan disponibel
Actualmente e siguiente cursonan tambe ta obtenibel riba e plataforma Matrix:
- Balancing Screen Time and Mental Health: A Holistic Approach for Educators
- Brain-Based Strategies for Teaching Adolescents
- Creating Trauma-Informed, Strengths-Based Classrooms
- Introductie AI en Prompt Engineering
- Introductie Columbusmodel
- Introductie Droomdenken
- Metodo Klas 1
- Mindset Matters
- Positive Psychology in Education
- SAM 1: Un bista completo riba e cambio
- Teacher Self-Care
- Vreemdetalendidactiek (VTD)
Con pa registra
- Crea bo Matrix account door di bay na Sign up y yena e informacion rekeri
- Bay na nos Catalog
- Click riba e curso cu bo kier sigui
- Click Enroll
Ta e intencion pa e plataforma crece den su contenido y cu docentenan y tur otro actor den enseñansa na Aruba haci bon uzo di dje pa profecionalisa su mes.
Ta invita tur maestro y docente pa registra y inscribi nan mes pa sigui e diferente cursonan.
Info / Contact
- Plataforma digital: Matrix
- Departamento di Enseñansa Aruba: Seccion Guia
- Instituto Pedagogico Arubano (IPA): Centro pa Desaroyo Profesional Continuo (CDPC)
