184 studiante bayendo Hulanda cu Arubalening
E aña aki Minister di Enseñansa, mr. Gerlien Croes, a otorga te cu 4 augustus 2025, 184 financiamento pa estudio (Arubalening) na personanan cu ta bay sigui un estudio avansa na Hulanda entrante 1 september.
Seccion Studiefaciliteiten di Departamento di Enseñansa Aruba (DEA) ta informa cu despues di un periodo largo di preparacion, finalmente dia 4 di augustus 2025, 107 studiante di e 184, cu a haya un Arubalening pa Hulanda, lo subi e vuelo di KLM 767 pa sigui nan estudio na Hulanda.
Nos no ta papia mas di beursalen, pasobra e studiantenan aki no ta haya un beurs manera antes, pero ta haci un fiansa, na 0% di interes, cu nan mester paga bek asina cu nan caba nan estudio. E otro 77 studiante di e 184 cu Arubalening sea a biaha pa Hulanda caba, of ta biahando den e dianan venidero.
Ciudadnan mas popular
E ciudad cu mas studiante a scoge pa bay biba e aña aki ta Den Haag, un total di 39 studiante. 23 studiante a scohe pa bay biba na Eindhoven, sigui pa Utrecht caminda tin 22 studiante ta bay biba pa sigui nan estudio. Esakinan ta e tres ciudadnan mas popular e aña aki.
Particion pa ciudad na Hulanda
Estudio mas popular
E estudio mas popular e aña aki ta esun di International Business. Un total di 20 studiante a mustra interes pa e estudio aki.
Nos por wak cu e interes den e ramo di business/economia ta hopi grandi. 14 studiante ta bay sigui studia International Finance & Control Management. Estudionan cu tin di haber cu ICT tambe ta hopi popular bou di nos studiantenan.
Di e 184 studiantenan aki 143 ta bay sigui un hbo-bachelor y 34 un bachelor universitario, esta un wo-bachelor. 7 studiante ta bay sigui un master universitario, wo-master.
E tabel ta mustra un resumen di e estudionan bou di e studiantenan pa locual ta Hulanda.
Escogencia di estudio na Hulanda
Nos ta desea di informa tur studiante cu a entrega e ‘overeenkomst tot geldlening’ y ‘verklaring tot toekenning’ na Arubalening cu e ‘betalingsopdracht’ a bay Directie Financiën. Directie Financiën a paga mayoria di e studiantenan aki caba. Esnan cu no a entrega e ‘overeenkomst tot geldlening’ y ‘verklaring tot toekenning’ ainda, nos ta urgi pa nan entrega esaki mas pronto cu ta posibel
p’asina nos por procesa e ‘betalingsopdrach’ pa Directie Financiën por haci e pago.
E aña aki tin na total 26 Freemovers cu a pidi pa Arubahuis yuda nan y pa nan por cana hunto cu e grupo di studiante cu Arubalening durante opvang. Freemovers ta studiantenan cu ta bay sigui
nan estudio na Hulanda sin un Arubalening, esta sin financiamento di Gobierno di Aruba.
Por ultimo nos di seccion di Facilidad pa Estudio – Arubalening, Jurainne, Genevieve, Diangelo y Sharine, ta desea tur studiante hopi exito den e etapa nobo y bunita cu ta bay cuminsa.
- Corda cu bo a yega asina lew y cu bo por;
- No laga niun hende laga bo kere cu bo no por;
- Semper busca ayudo ora bo ta sinti cu cos no ta bay bon;
- Tin solucion pa tur situacion;
- Mira cada situacion cu presenta como un ‘steppingstone’! Sigui subi e trapi;
- Haci bon uzo di e oportunidad cu bo a haya.
Departamento di Enseñansa Aruba ta desea di gradici AAA pa nan cooperacion di tur aña pa cu studiantenan biahando cu un Arubalening y tambe ATA cu tur aña ta yuda e seccion di Facilidad
di Estudio cu e lanyards nan pa e badgenan. Nos ta desea di gradici Directie Financiën y Arubahuis pa cooperacion di semper. Sin lubida riba Realign Coaching, Consultacy and Services y Strategic Education Alliance, cu e aña aki tawata encarga cu e preparacion di e studiantenan.
Info / Contact
Pa preguntanan relaciona cu Arubalening por manda un email na arubalening@ea.aw of un whatsapp na number 594-4140.
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Sigui nos via e social media pages:
- DEA facebook: @educationaruba
- DEA instagram: @educationaruba
