Enseñansa Aruba | Departamento di Enseñansa

Minister di Enseñansa Michelle Hooyboer-Winklaar a anuncia durante un conferencia di prensa cu e aña aki (2016) un biaha mas ta dedica luna di october na Enseñansa.

Luna di Enseñansa lo ta completamente dedica na conscientisacion di e importancia di educacion y cada aspecto cu ta traha na mehoracion di e calidad di Enseñansa.

E actividadnan den cuadro di Luna di Enseñansa ta organisa pa medio di colaboracion cu entre otro: Biblioteca Nacional Aruba, Tienda di Educacion, Academy of Fine Arts and Design Aruba, International School Leadership, Fundacion Autismo Aruba, Fundacion Muchila Creativo,Fundacion Bon Nochi Drumi Dushi, Instituto Pedagogico Arubano,International School of Aruba, Departamento di Ensenansa Aruba yMinisterio di Ensenansa.

Ministerio di Enseñansa hunto cu International School of Aruba ta organisa un "Summer Camp" special pa alumnonan di klas 4, 5 y 6 di Enseñansa Basico regular (edad 9 pa 12 aña) cu tin interes den Science, Technology, Engineering, Arts and Mathematics "STEAM".

[Relato STEAM Camp]

Biblioteca Nacional Aruba ta spera su bishitantenan di edad 60-plus cu kier siña un poco mas di nan Tablet, Smartphone of hasta di Social Media. Entre 9or y 10or di mainta un team di SETAR lo haci un demostracion di TVguide, MiSetar y con pa sign up pa e servicio aki. Despues ta sigui cu Tabletcafe 60+ te 12or di merdia. E meta di e mainta aki ta pa siña algo nobo bou guia di un mentor, comparti conocimento y socialisa. Participacion ta gratis. Cada bishitante mester trece su propio Tablet of Smartphone.

[Mas informacion]

Dia 5 di october ta World Teachers' Day.

Rond mundo e trabou di e Maestro di Scol ta wordo reconoci y elogia. E slogan pa aña 2016 ta: "Valuing Teachers, Improving their Status". Pa mas informacion por bishita e site di: [UNESCO]

Ministerio di Enseñansa hunto cu un cantidad di organisacion y instancianan local tin e honor y placer di invita bo pa apertura oficial di e "Luna di Enseñansa" pa aña 2016 cu lo tuma luga den forma di un Carousel di Enseñansa, dialuna dia 10 di oktober. Durante e Carousel di Enseñansa lo comparti informacion di diferente proyecto, existente y nobo, "best practices" y resultado di investigacionnan haci riba tereno di enseñansa.

E Carousel lo ta habri pa publico. Entrada ta gratis.

[Mas informacion]

Ministerio di Enseñansa hunto cu Departamento di Enseñansa a ofrece Maestronan di scol basico training y workshops den cuadro di e asina yama "Kerndoelen Project".

[Relato]

Ministerio di Enseñansa hunto Departamento di Enseñansa Aruba ta organisa den cuadro di "Luna di Enseñansa" un AVO Conference [Education Reboot], diamars dia 18 di october proximo na Cas di Cultura.

[Mas informacion] | [Registra]

Ministerio di Enseñansa ta organisa un "kick-off event" pa lansa e proyecto di intercambio internacional pa scolnan bou di e nomber di "World Class Scholar", un proyecto di intercambio entre docentenan y scolnan di e estado South Carolina na Merca cu docentenan y scolnan den resto di mundo.

[Mas informacion] | [Registra]

Ministerio di Enseñansa di Aruba tin e grato honor pa invita publico general pa un screening oficial di e documentario "He Named Me Malala", diasabra dia 22 di oktober proximo. E screening lo wordo introduci pa un discusion den panel riba e topico di hende muher y enseñansa na Aruba y otro parti di mundo.

[Mas informacion] |  [Official Trailer]

Tienda di Educacion ta pa mama, tata, wela, welo, madrastra, padrastro y tur otro educadornan. Pues pa tur hende cu ta encarga cu cuido di mucha y hoben di 0 pa 18 aña di edad y cu ta sinti e necesidad pa papia cu un profesional cu ta scucha, duna sosten, informa y conseha si bo tin pregunta tocante educacion y desaroyo di un mucha.

[Mas informacion]

Diamars dia 25 di oktober proximo Ministerio di Enseñansa conhuntamente cu Departamento di Enseñansa lo tene un anochi di informacion pa tur esnan cu tin e interes pa bay studia na Merca of Canada.

[Mas informacion]

Dianan 26 y 27 di october proximo, Ministerio di Enseñansa ta organisando un tayer special pa maestro, docente, actornan di sosten y studiantenan di IPA, riba e tema "Instruccion diferencia", e diferente formanan di instruccion pa guia e alumno/studiante den su proceso di compronde y adkiri informacion.

[Mas informacion]

Biblioteca Nacional Aruba ta organisa e di 24 edicion di Festival di Buki pa Mucha.

Un festival cu ta conta cu participacion di mas cu 50 scol preparatorio,basico y special riba nos isla y cu lo ricibi bishita di autor, ilustrador y contador di storia.

Lema di e festival pa e aña 2016 ta: "Opa y Oma, lesa pa nos awe, pa mañan nos sa!".

[Mas informacion]

Ministerio di Enseñansa hunto cu Departamento di Enseñansa ta presenta pa di dos aña consecutivo: Appel di Oro | Un Premio Nacional di Excelencia den Enseñansa.

Participacion na Appel di Oro 2016 ta habri pa tur scol di enseñansa primario, secundario, special y superior reglamenta na Aruba.

Lo duna reconocemento den e categorianan di: Proyecto Escolar,Maestro, Dirigente, Actor di Sosten, Newcomer y Lifetime Achievement.

[Mas informacion]

Den cuadro di Luna di Enseñansa Fundacion Muchila Creativo ta organisa un actividad educativo den centro di Oranjestad, cu e meta pa promove Arte y Cultura den nos comunidad.

Lo tin diferente presentacion y workshop pa mucha, hoben y adulto den diferente disciplina di arte manera musica, baile, teatro y multimedia.

[Mas informacion | Programa]