Na Bista
Na Bista ta un metodo pa e prome dos añanan di enseñansa secundario avansa pa e materia Naturalesa y Tecnologia. Naturalesa y Tecnologia ta consisti di e materianan Fisica, Biologia, Kimica, Tecnica y Geologia. Na Bista ta desaroya material specialmente pa enseñansa na Aruba y e ta contene ehempel y cos cu bo ta topa tur dia na Aruba. E materia Naturalesa y Tecnologia ta ofrece e alumno un ambiente rico na aspecto di biologia, fisica, kimica, geologia y di tecnica.
Alumnonan ta biba den un mundo cu, pa gran parti, ta forma pa desaroyo fisico y tecnologico. E desaroyonan aki tin bentaha y desbentaha y e alumno mester siña uza y guia e desaroyonan aki na un bon forma. Awendia no por separa ciencia y tecnica for di otro mas.
E procesonan di investigacion y desaroyo ta cana man den man. E alumno mester siña compronde e conceptonan y e instrumentonan cu ciencia y tecnica a desaroya y tambe e formanan di pensa y traha.
Scroll To Top