{"id":9783,"date":"2013-04-10T11:16:48","date_gmt":"2013-04-10T15:16:48","guid":{"rendered":"http:\/\/www.ea.aw\/pages\/?p=9783"},"modified":"2017-12-05T11:48:44","modified_gmt":"2017-12-05T15:48:44","slug":"leerplicht-lo-keda-introduci-den-fase-3","status":"publish","type":"post","link":"https:\/\/www.ea.aw\/pages\/leerplicht-lo-keda-introduci-den-fase-3\/","title":{"rendered":"Bureau Leerplicht Aruba ta informa"},"content":{"rendered":"

E ley di ense\u00f1ansa obligatorio a drenta na vigor na Aruba. Cu esaki pais Aruba a tuma e obligacion pa garantisa y realisa e derechonan di cada mucha cu ta cay bou di e ley Arubiano aki.<\/p>\n

<\/p>\n

Kico ta ense\u00f1ansa obligatorio (leerplicht)?<\/h3>\n

Esaki ta un di e puntonan di e Tratado di e Derechonan di Mucha. Eyden ta para cu: “tur mucha tin derecho riba ense\u00f1ansa”. Pasobra e muchanan ta menor di edad, esey ta nifica cu ta nan mayornan y gobierno ta obliga pa percura pa nan bay scol di berdad.<\/p>\n\n\n\n
<\/td>\n<\/tr>\n<\/tbody>\n<\/table>\n

 <\/p>\n

Ken ta cay bou ense\u00f1ansa obligatorio?<\/h3>\n

Ense\u00f1ansa obligatorio ta conta solamente pa e hobennan cu ta biba na Aruba. Ense\u00f1ansa obligatorio ta cuminsa riba e prome dia di scol di e a\u00f1a escolar den cual e mucha tin por lo menos 4 a\u00f1a riba 1 di october. Esey ta nifica cu no ta solamente mucha cu tin 4 a\u00f1a na comienso di a\u00f1a escolar mester bay scol. Un mucha cu ta haci 4 a\u00f1a despues di e prome dia escolar pero no mas tarda cu 1 di october ta obliga pa bay scol tambe.
\nEnse\u00f1ansa obligatorio ta conta te dia e alumno cumpli 17 a\u00f1a, of te ora cu e alumno termina un estudio den ense\u00f1ansa profesional of ense\u00f1ansa secundario general.<\/p>\n

Mi por tene mi yiu un dia na cas?<\/h3>\n

Un mucha mester bay scol tur dia. Mayornan y cuidadonan ta responsabel pa esaki sosode tambe. Toch esey no ta nifica cu den cierto circunstancia bo no por tene bo yiu na cas, por ehempel: ora cu e mucha tin un malesa of pa motibo personal extraordinario of pa motibo di un acontecimento familiar (manera entiero, accidente).<\/p>\n

Unda mester raporta ausencia?<\/h3>\n

E ausencianan permisibel, e mayor of cuidado di e mucha mes mester raporta na tempo (prome cu 9 or di mainta) na e cabesante di scol.
\nE cabesante lo pasa e informacion di ausencia, ora esaki ta ripiti cu frecuencia, y e motibo di e ausencia na Bureau Leerplicht Aruba.
\nE empleadonan publico di ense\u00f1ansa obligatorio y e scol lo controla si e ausencia di e mucha ta permisibel. Mas informacion tocante ausencia permisibel ta obtenibel cerca e scol.<\/p>\n

Mas informacion?<\/h3>\n

Riba e website\u00a0Ense\u00f1ansa Aruba | www.ea.aw<\/strong>\u00a0por lesa mas tocante Leerplicht. Por haya informacion di entre otro:<\/p>\n