{"id":8070,"date":"2017-08-18T16:57:42","date_gmt":"2017-08-18T20:57:42","guid":{"rendered":"http:\/\/www.ea.aw\/pages\/?p=8070"},"modified":"2019-08-20T12:02:09","modified_gmt":"2019-08-20T16:02:09","slug":"apertura-di-edificio-nobo-pa-scol-basico-prinses-amalia","status":"publish","type":"post","link":"https:\/\/www.ea.aw\/pages\/apertura-di-edificio-nobo-pa-scol-basico-prinses-amalia\/","title":{"rendered":"Apertura di edificio nobo pa Scol Basico Prinses Amalia"},"content":{"rendered":"

Scol basico\u00a0Prinses Amalia\u00a0a habri su porta p’e a\u00f1a escolar nobo na nan edificio nobo, unda cu a tene un apertura den presencia di\u00a0Minister di Ense\u00f1ansa,\u00a0Michelle Hooyboer-Winklaar<\/em>\u00a0hunto cu alumno y mayornan.<\/p>\n

<\/p>\n

\n

<\/p>\n

\n

Durante e discurso di Minister di Ense\u00f1ansa,\u00a0Michelle Hooyboer-Winklaar<\/em>\u00a0y di\u00a0Minister\u00a0Richard Arends<\/em>, kende tambe a hiba palabra, a desea e alumno y maestronan hopi exito pa e a\u00f1a escolar 2017-2018.<\/p>\n

Minister\u00a0Hooyboer-Winklaar<\/em>\u00a0a entrega e yabi di scol na e cabesante di\u00a0Prinses Amalia Basisschool, estaRoelien Kock-Hofman<\/em>, kende tabata feliz di a ricibi esaki.<\/p>\n

Durante e apertura\u00a0Minister\u00a0Hooyboer-Winklaar<\/em>\u00a0hunto cu\u00a0Minister\u00a0Richard Arends<\/em>,\u00a0Roelien Kock-Hofman<\/em>\u00a0y 2 studiante di scol a corta e cinta pa asina tur alumno, maestro y mayornan por a drenta den e edificio nobo pa inicia e a\u00f1a escolar nobo.<\/p>\n

\n\n\n\n\n\n
<\/td>\n<\/tr>\n
<\/td>\n<\/tr>\n
<\/td>\n<\/tr>\n<\/tbody>\n<\/table>\n

 <\/p>\n

\n

Minister Hooyboer-Winklaar<\/em>\u00a0a pasa den algun klas y a desea tanto alumno como maestronan hopi exito den e a\u00f1a escolar nobo. E tabata sumamente contento cu e apertura cu e scol a prepara pa asina duna tur hende bon bini na e edificio nobo.<\/p>\n

Tur hende tabata yena cu emocion y alegria y tabata impresiona con bunita e scol a keda, mientras cu e muchanan tabata ansioso pa cuminsa si\u00f1a den e edificio nobo di nan scol ubica na Seroe Blanco, banda di\u00a0Colegio EPI.<\/p>\n

Pa e ocasion special aki a canta himno di Aruba. E cabesante\u00a0Roelien Kock-Hofman<\/em>\u00a0a gradici\u00a0Zulaika Geerman<\/em>y\u00a0Ivan Quandus<\/em>\u00a0pa composita y aregla e himno di scol. Durante e ceremonia di apertura, un grupo di mucha a canta y baila e himno di scol y despues a baila un di dos cantica. Tabata algo hopi bunita pa mira ora e muchanan a invita e maestronan y cabesante pa baila.<\/p>\n

Tambe a probecha e ocasion pa conta algo di e historia di e scol unda cu na 2011 a cuminsa cu e e scol. Tambe cu 2 biaha\u00a0Prinses Amalia\u00a0a termina na di 4 luga den competencia di\u00a0Mente Inteligente\u00a0y ta e prome scol cu a bira campeon 2 biaha.<\/p>\n

“Prinses Amalia ta un scol cu a logra hopi caba desde nan inicio na a\u00f1a 2011 apesar di ta den un edificio no completamente optimal. Pero nan a demostra cu un scol ta mas cu solamente su edificio. Exito di un scol ta su atencion pa cada studiante, ta maestronan cu ta colabora cu otro, ta un cabesante cu ta lidera su team na un forma humilde y inspirativo, ta un scol cu mayornan ta envolvi y cu tur hende ta comparti e pensamento cu tur mucha tin potencial.”<\/em>\u00a0Minister\u00a0Hooyboer-Winklaar<\/em>\u00a0a declara durante e apertura.<\/p>\n

“Pa nos e ta bunita pa mira un apertura cu tabata envolvi asina hopi studiante”<\/em>, el a expresa. Tur hende kisas tabatin un tiki nervio ariba e prome dia di scol, pero esaki no tabata e caso cu e alumnonan di\u00a0Prinses Amalia\u00a0di cual\u00a0Minister\u00a0Hooyboer-Winklaar<\/em>\u00a0no a nota esaki.<\/p>\n

E muchanan tabatin e entusiasmo pa cuminsa scol y esey ta loke Ministerio di Ense\u00f1ansa kier pa tur scol. Na Aruba tin un total di 83 scol di cual e vision y meta mester ta asina. Hopi di e scolnan aki a ricibi un “upgrading” den e ultimo 8 a\u00f1anan, pero ainda tin algun scol unda cu nan infrastructura no ta optimal. E ta keda un reto pasobra ta papiando di 83 scol y hopi di nan a keda construi 50 pa 60 a\u00f1a pasa. Pero a lo largo e meta mester bira cu keda cu cada scol riba nan mes lo ricibi e renobacionnan necesario pa asina brinda un calidad di ense\u00f1ansa cu nos ta desea.<\/p>\n

“Mi ta hopi satisfecho pa mira un scol excepcional ricibi un edificio excepcional. Mi ta sigur cu loke nan lo bay logra awo tambe ta excepcional.”\u00a0<\/em>Minister\u00a0Hooyboer-Winklaar<\/em>\u00a0a remarca.<\/p>\n

\n

Cabesante Roelien Kock-Hofman<\/h2>\n

<\/p>\n

\n

Roelien Kock-Hofman\u00a0cabesante di\u00a0Prinses Amalia Basisschool\u00a0a splica cu na a\u00f1a 2015\u00a0Minister di Ense\u00f1ansa\u00a0a informa nan cu nan lo haya nan propio edificio y lo por sali for di unda nan tabata ubica banda di\u00a0ELMAR\u00a0na playa. A\u00f1a pasa a haci e groundbreaking y conform e planning, awe e scol ta cla pa ricibi mas cu 300 studiantenan.<\/p>\n

E cabesante a expresa cu e tabata hopi emociona y cu e acto di apertura tabata hopi bunita. A aprecia e presencia di e mandatarionan. E muchanan tabata hopi emociona y entusiasma, el a bisa.\u00a0“Nos ta hopi contento cu awe oficialmente nos por haci uzo di nos scol. Mi ta hopi contento y orguyoso cu e muchanan tabata emociona cu nan scol”<\/em>, el a duna di conoce.<\/p>\n

Un par di dia prome cu scol a inicia, tabatin muchanan cu a pasa na e scol pa mira den cua klas nan ta. Tabatin mucha cu no kier a bay cas, el a corda cu un sonrisa. “Juffrouw nos por haya les di biaha<\/em>“, nan tabata bisa.<\/p>\n

Na e prome dia di scol tabatin maestro cu mester ta AO, pero asina mes no kier a perde e esaki. El a presenta pa asina ta hunto cu su colega y alumnonan pa inicia e a\u00f1a escolar den nan bunita edificio. E emocionnan cerca e maestronan tambe ta hopi halto.<\/p>\n

\n

Juffrouw Marie-Th\u00e9r\u00e8se Croes<\/h2>\n

<\/p>\n

\n

Juffrouw Marie Th\u00e9r\u00e8se Croes<\/em>, a bisa sa cu esaki tabata un dia hopi emocional pa un y tur, paso un edificio nobo ta trece hopi alegria.“Pa mi esaki ta extra alegria pasobra na nos scol bieu mi tabata den un trailer y awo mi tin un klas cu mi mes por drecha y haci e esfera bunita pa e muchanan”<\/em>, juffrouw\u00a0Croes<\/em>\u00a0a bisa.<\/p>\n

Juffrouw\u00a0Croes<\/em>\u00a0a indica cu el a ricibi tambe hopi ayudo di su famia pa por a prepara su klas pe a\u00f1a escolar nobo. El a agrega cu ta spera e a\u00f1a aki cuminsa cu hopi energia y si\u00f1ando y poniendo enfoke riba e lesnan. Banda di esaki no mester lubida e cosnan leuk cu ta haci cu e muchanan pa asina nan keda cu gana pa bin scol, e docente a remarca.<\/p>\n

\n\n\n\n\n\n\n\n\n\n
<\/td>\n<\/tr>\n
<\/td>\n<\/tr>\n
<\/td>\n<\/tr>\n
<\/td>\n<\/tr>\n
<\/td>\n<\/tr>\n
<\/td>\n<\/tr>\n
<\/td>\n<\/tr>\n<\/tbody>\n<\/table>\n

\u00a0<\/strong><\/p>\n

\n

Info \/ Contact<\/h3>\n

Pa mas informacion por tuma contacto cu:<\/p>\n