Recientemente a logra aloca y inverti mas cu 1.5 miyon florin na buki y material nobo pa tur scol di\u00a0MAVO\u00a0di Aruba.\u00a0Minister di Ense\u00f1ansa\u00a0a aloca e fondonan aki na comienso di a\u00f1a\u00a0den e\u00a0Onderwijsfonds\u00a0y\u00a0Parlamento di Aruba\u00a0a aproba esaki na luna di mei ultimo.<\/p>\n
<\/p>\n
Minister di Ensenansa\u00a0Michelle Hooyboer-Winklaar<\/em>\u00a0ta confirma cu ta trata aki di un suma total di Afl. 1.557.879,20 cu a pone disponibel pa bestel buki y material nobo pa e\u00a0directivanan di scol\u00a0di\u00a0MAVO. Esaki ta inclui tur e 10 scolnan di\u00a0MAVO\u00a0di Aruba cu ta resorta bou di\u00a0SKOA,\u00a0DPS\u00a0y\u00a0SPCOA.<\/p>\n Mester menciona cu e suma total aki ta un inversion adicional na loke e\u00a0directivanan di scol\u00a0ta haya caba tur a\u00f1a riba nan presupuesto pa inversion den material y metodonan nobo.<\/p>\n Cu e inversion adicional aki e titular di ense\u00f1ansa kier a garantisa un impulso mas grandi den e renobacion di e metonan y material na\u00a0MAVO\u00a0unda cu a constata un necesidad grandi.<\/p>\n E suma total di mas cu 1.5 miyon florin a keda reparti bou di e\u00a0directivanan di scol\u00a0a base di e cantidad di scol y cantidad di alumno.<\/p>\n Unabes cu e fondonan a keda aproba\u00a0Ministerio di Ense\u00f1ansa\u00a0a start cu e proceso di inventarisacion hunto cu e\u00a0directivanan di scol.<\/p>\n Cada <\/span>directiva di scol\u00a0mester a indica nan necesidad y prioridadnan pa determina hunto cu nan scolnan y a base di esey por a cuminsa cu e proceso di pidi oferta.<\/span><\/p>\n E inversion ta inclui metodonan nobo pa diferente materia, material adicional pa\u00a0maestronan\u00a0y materialnan di sosten. Cada\u00a0directiva di scol\u00a0a indica un prioridad diferente y\u00a0Ministerio di Ense\u00f1ansa\u00a0a duna e espacio pa esaki.<\/p>\n Mayoria di scol a scoge pa bestel metodonan nobo of e ultimo edicion di un metodo existente pa e diferente materianan manera e metodo \u201cNieuw Nederlands\u201d pa\u00a0Hulandes, \u201cGente Joven\u201d pa e\u00a0materia Spa\u00f1o, e ultimo edicion di \u201cModerne Wiskunde\u201d pa e\u00a0materia Wiskunde, \u201cNOVA NaSk\u201d pa\u00a0Natuurkunde\u00a0y\u00a0Scheikunde\u00a0y e metodo \u201cBiologie voor jou\u201d pa e\u00a0materia di Biologie.<\/p>\n Tin scolnan cu a pone nan prioridad diferente na otro metodonan y materia y tambe na material di sosten manera materialnan di ilustracion pa e\u00a0materia Wiskunde, Atlassen pa e\u00a0materia Aardrijkskunde\u00a0y woordenboeken pa e idiomanan.<\/p>\n Mientras tanto a bestel tur e materialnan via di e diferente agencianan local y ta den proceso pa entrega nan na diferente scol di\u00a0MAVO.<\/p>\n E titular di ense\u00f1ansa ta indica cu e inversion aki no ta encera un solo inversion pa ekipa e scolnan cu buki y material nobo sin mas, pero ta forma parti di un proceso mas sostenibel unda cu\u00a0Departamento di Ense\u00f1ansa\u00a0ta encarga cu revision di e normanan di subsidio pa e\u00a0directivanan di scol. E normanan aki ta encera e suma cu cada scol ta ricibi pa cada alumno y pa cada klas y ta encera tambe fondo aloca pa material pa scol.<\/p>\n Minister\u00a0Hooyboer-Winklaar<\/em>\u00a0ta indica cu a aplica e normanan aki pa hopi a\u00f1a, pero ta constata cu mester actualisa e normanan aki pa asina refleha e necesidad real di nos scolnan y nos muchanan.<\/p>\n E\u00a0Minister di Ense\u00f1ansa\u00a0ta contento di por a inicia e proceso importante aki y ta spera cu hunto cu e inversion inicial y e ahustacion di normanan di subsidio, unda lo ekipa structuralmente e scolnan cu tur loke nan mester pa duna ense\u00f1ansa di calidad nan nos hobennan.<\/p>\n
\nNorma di subsidio<\/h2>\n
\nInfo \/ Contact<\/h3>\n