{"id":6423,"date":"2017-02-22T10:06:03","date_gmt":"2017-02-22T14:06:03","guid":{"rendered":"http:\/\/www.ea.aw\/pages\/?p=6423"},"modified":"2021-08-20T17:43:28","modified_gmt":"2021-08-20T21:43:28","slug":"oaa-beroepsonderwijs","status":"publish","type":"post","link":"https:\/\/www.ea.aw\/pages\/oaa-beroepsonderwijs\/","title":{"rendered":"OAA Beroepsonderwijs"},"content":{"rendered":"

OAA Beroepsonderwijs<\/span>\u00a0ta creciendo basa riba demanda di mercado. E combinacion di teoria y practica ta duna bon resultado segun\u00a0Minister di Ense\u00f1ansa\u00a0Michelle Hooyboer-Winklaar<\/em><\/span>.<\/em><\/p>\n

<\/p>\n

Recientemente e\u00a0minister<\/span>\u00a0tabata di bishita na\u00a0EPB Hato<\/span>\u00a0pa cera conoci cu alumnonan cu a cuminsa cu e cursonan di\u00a0Assistent Automonteur<\/span><\/em>,\u00a0Assistent Onderhoudsmonteur<\/span>\u00a0<\/em>y\u00a0Assistent Mode en Kleding<\/span><\/em>.<\/p>\n

E cursonan aki ta wordo ofreci den oranan di anochi pa medio di\u00a0OAA\u00a0(Ense\u00f1ansa pa Adulto)<\/span>, beroepsonderwijs (ense\u00f1ansa pa ofishi\/profesion).<\/p>\n

E cursistanan a cuminsa na januari 2017 cu e cursonan cu tin un duracion di un total di dos a\u00f1a.<\/p>\n

E curso ta parti den diferente periodo pa cual e cursista ta ricibi un\u00a0“deelcertificaat<\/em>“<\/span>\u00a0na momento cu e completa e periodo cu exito. Pa e cursista ricibi un\u00a0diploma<\/span><\/em>\u00a0e mester cumpli cu e deelcertificaatnan rekeri.<\/p>\n

Los di e motibo pakico un cursista ta scoge pa un curso na OAA<\/span>,\u00a0Minister di Ense\u00f1ansa<\/span>\u00a0ta di opinion cu loke ta importante ta cu pa medio di\u00a0OAA<\/span>\u00a0ta ofrece mas persona adulto e oportunidad pa sigui studia den nan ramo of un ramo nobo, y asina profesionalisa nan mes.Minister\u00a0Michelle Hooyboer-Winklaar<\/em><\/span>\u00a0ta contento pa experencia e entusiasmo di e alumnonan, kende pa un motibo of otro no a sigui of completa un estudio, of no ta siguiendo cu un estudio den dia. E gruponan ta consisti di entre otro adultonan cu ya ta trahando caba den e ramo cu nan a scoge pa studia, nan ta graduadonan di\u00a0EPB<\/span>\u00a0cu ta desea di sigui cu un curso cu ta resulta den un diploma pa un ofishi, of personanan cu ta tumando e curso como base pa cambia di ofishi\/trabou.<\/p>\n

Esaki basa riba e principio di\u00a0Lifelong Learning<\/span>\u00a0cu\u00a0Minister\u00a0Hooyboer-Winklaar<\/em><\/span>\u00a0<\/em>ta sostene y promove.\u00a0OAA<\/span>\u00a0ta duna e cursista e espacio pa combina un estudio cu nan trabou diario, asina ofreciendo nan un combinacion pa adelanto y desaroyo personal.<\/p>\n

E mandatario ta agrega cu lo sigui expande y adapta e tipo di cursonan ofreci, basa riba e demanda di e mercado laboral. Mirando e grupo grandi di cursista cu un aspiracion pa sigui studia, por conclui cu sigur tin un demanda di parti di e alumnonan pa e cursonan di\u00a0OAA<\/span>. El a remarca cu e sistema di\u00a0deelcertificaat<\/span><\/em>\u00a0tambe ta beneficia e alumno como cu e ta haci e programa hopi flexibel.<\/p>\n

Reggie Havertong<\/span><\/em>,\u00a0director adhunto<\/span>\u00a0di\u00a0OAA<\/span>, a splica cu mayoria di e hobennan participando a caba\u00a0SPO<\/span>\u00a0y kier a sigui studia. El a elabora riba e programa: cursistanan ta bin scol cinco dia pa siman \u2013 tres dia ta dedica na e parti practico, un dia ta encera lesnan di teoria (ciencia y wiskunde) y e di cinco dia ta lesnan di e\u00a0idiomanan Papiamento<\/span>\u00a0<\/em>y\u00a0Hulandes<\/span><\/em>.<\/p>\n

OAA<\/span>\u00a0ta sumamente contento cu e bishita di e titular di ense\u00f1ansa, como un demostracion di su sosten y apoyo na e programa y e alumnonan.\u00a0Havertong<\/span><\/em>\u00a0a conclui bisando cu lo sigui mercadea\u00a0OAA<\/span>\u00a0y e cursonan cu nan ta organisa pa brinda mas oportunidad na e comunidad, pa mas hende por caba scol y sinja un bon ofishi.<\/p>\n

\n

Info \/ Contact<\/h3>\n

Pa mas informacion por busca den e alfabet menu riba homepage:<\/p>\n