{"id":6389,"date":"2017-02-23T14:34:58","date_gmt":"2017-02-23T18:34:58","guid":{"rendered":"http:\/\/www.ea.aw\/pages\/?p=6389"},"modified":"2021-10-09T13:45:58","modified_gmt":"2021-10-09T17:45:58","slug":"training-profesional-na-docentenan-di-mdc","status":"publish","type":"post","link":"https:\/\/www.ea.aw\/pages\/training-profesional-na-docentenan-di-mdc\/","title":{"rendered":"Training profesional na docentenan di MdC"},"content":{"rendered":"

Pa duna sosten na e personal di e Observatiecentrum MdC den nan trabou diario, a organisa e training “Safety-Care Core Specialist Training”<\/span> y “School Age Children Advanced Module”<\/span> di e compania QBS Inc. di Merca. Trainer di ambos programa ta\u00a0Erin Devine<\/span>.<\/p>\n

<\/p>\n

\n

\"\"<\/p>\n

\n

Observatiecentrum<\/span><\/h3>\n

E\u00a0observatiecentrum<\/span>\u00a0di\u00a0Multidisciplinair Centrum<\/span>\u00a0(<\/span>MdC)<\/span>\u00a0a habri na a\u00f1a 2015 cu e meta pa yuda muchanan cu no por funciona den ense\u00f1ansa regular pa motibo di problema (grave) di comportacion y\/of psikiatrico. E centro actualmente tin 1 kleuterklas, 1 eerste y 1 tweede klas. Den cada klas tin maximo 8 alumno.<\/p>\n

Mainta e muchanan ta haya ense\u00f1ansa (setting di scol) y despues di scol nan ta haya cuido y guia te atardi dor di profesionalnan cu ta ofrece nan un programa special (setting di opvang).<\/p>\n

Na\u00a0Observatiecentrum<\/span> ta traha 19 persona: e maestronan y nan assistentnan, un Interne Begeleider, un trahado social, un terapista di musica y un di movecion, un psycholoog, un logopedista part-time y lidernan y assistent lidernan pa e opvang despues di merdia.<\/p>\n

\n

Safety-Care Core Specialist Training<\/span><\/h3>\n

Den e training di\u00a0Safety Care<\/span>\u00a0e trahadonan ta si\u00f1a anda na un manera respetuoso, safe y terapeutico cu muchanan cu no por regula nan emocion y ta bira agresivo.<\/p>\n

E proceduranan den\u00a0Safety Care\u00a0<\/span>ta cientificamente investiga y ta basa riba evidencia. E trahadonan ta si\u00f1a habilidadnan pa interveni na un manera profesional y terapeutico, uzando un acercamento directo y efectivo pa preveni, minimalisa y maneha escalacion di comportacion agresivo. Esaki tanto pa proteccion di e mucha mes como di e profesional\/adulto.<\/p>\n

\n

School Age Children Advanced Module<\/span><\/h3>\n

E “School Age Children Advanced Module<\/span>” ta duna e trahadornan herment pa anda specificamente den un setting di scol cu muchanan chikito cu ta demostra comportacion agresivo y peligroso. E trahadonan ta si\u00f1a ki proceduranan ta adecua pa uza cu muchanan chikito. Tur scenario cu por presenta.<\/p>\n

Cu e profesionalisacion aki e trahadonan di e Observatiecentrum<\/span>\u00a0ta miho ekipa pa tur scenario cu por presenta.<\/p>\n

\n

Sosten pa personal<\/span><\/h3>\n

Interim Manager\u00a0<\/span>di<\/span>\u00a0<\/span>Centro di Observacion<\/span>\u00a0<\/span>di<\/span>\u00a0<\/span>Bureau Multidisciplinair Centrum<\/span>,\u00a0<\/span>Indira Falconi<\/span><\/span>\u00a0a splica cu ta dunando e empleadonan un training di dos siman cu meta di duna e personal sosten.<\/span><\/p>\n

“Sosten pasobra cu nan ta traha cu muchanan cu no por regula nan emocion y ta bira hopi agresivo. Nan ta si\u00f1ando kico pa haci ora tin incidentenan — e \u201cSafety Care\u201d — ta si\u00f1a con pa anda na un manera respetuoso, positivo y afectivo pa e muchanan si\u00f1a maneha y controla nan emocion of e comportacion agresivo<\/em>,”<\/span>\u00a0el a elabora.<\/p>\n

Falconi<\/span>\u00a0ta amplia bisando cu na e\u00a0Centro di Observacion<\/span>\u00a0tin un kleuterklas, un eerste y un tweede klas cu ta e categoria di edad di cuater te cu 10 a\u00f1a. Cada klas tin ocho mucha y bo ta pensa cu esaki ta bay ta hopi facil pero tur e muchanan aki tin problema of psikiatrico of problema cu regula nan emocion.<\/p>\n

“Despues di e training ta sigui cu un ‘case counseling’ riba dialuna cu diamars. Aki e trainer ta bay guia nos na un manera adecua con pa atende un situacion di crisis of un incidente riba e manera teurapeutico y adecua<\/em>\u201d<\/span>,\u00a0Falconi<\/span> a bisa.<\/p>\n

“Hunto cu esaki dos colega di e team, e psicologo y unit manager lo bay hunto cu e trainer di Merca, Erin Divine, den tur e klasnan y ta scoge dos caso pa wak kico por ta e alternativanan pa e edificio y pa e muchanan pa de-escala e incidentenan<\/em>,”<\/span>\u00a0el a agrega.<\/p>\n

E Interim Manager ta bisa cu pa awor e training aki ta pa e centro so, \u201cpero ta haya cu realmente e ta recomendabel pa tur otro scolnan y barionan na Aruba. Hopi mayor y scolnan ta puntra con pa anda cu e mucha pasobra den un klas cu 30 mucha si un of dos di nan bira agresivo y abo como maestra ta duna les y bo no por duna les y mester bay atende. E training aki ta duna e hermentnan cu tin mester pa tipo di incidentenan asina<\/em>.\u201d<\/p>\n

\n

Muchanan special<\/span><\/h3>\n

Board Certified Behavioral Analyst<\/span>,\u00a0Erin Divine<\/span>\u00a0a splica cu su meta ta pa si\u00f1a e empleadonan tocante\u00a0‘Safety Care’<\/span> ora ta traha cu muchanan special. “Muchanan cu no ta si\u00f1a manera un mucha tipico. Asina ta nan mester hermentnan riba con pa reenforsa comportacion bon, apropia y deseabel y con pa maneha como tambe con pa maneha y preveni situacionnan peligroso cu nan por haya nan mes confronta cune<\/em>.”<\/span><\/p>\n

Divine<\/span>\u00a0a splica cu e prome siman nan ta haya tur e parti teoretico sigui pa training den veld.\u00a0“Lo mi traha cu e empleadonan y dos di e studiantenan cu mas reto di comportacion y asina eherce loke cu nan a si\u00f1a<\/em>.”<\/span><\/p>\n

E experto riba e tereno a bisa cu te cu awor tur cos ta bayendo hopi bon. <\/span>Un di e puntonan cu el a remarca ta cu despues di e training e feedback cu el a haya ta cu te cu awor e empleadonan tabata manehando e situacionnan na un manera diferente y cu desde cu nan a cuminsa uza loke cu nan a si\u00f1a e resultadonan ta hopi mas positivo.<\/p>\n

“Nan lo mester por sigui aplica e procedura nobo cu nan a si\u00f1a y mester por corda cu e muchanan ta studiante y cu nan tambe ta si\u00f1ando, nan no ta perfecto y tin biaha e por ta frustrante cu e muchanan aki, pero awor nan tin un curriculum cu nan por apoya ariba ora cosnan bira duro<\/em>,”<\/span>\u00a0Erin Divine<\/span>\u00a0a bisa.<\/p>\n

\n

Info \/ Contact<\/span><\/h3>\n

Pa mas informacion por busca den e alfabet menu riba homepage:<\/p>\n