Recientemente\u00a0Multidisciplinair Centrum (MdC) a ricibi bishita di un delegacion di Union Europeo: “Delegation of the EU to Guyana, Suriname, Trinidad and Tobago, and for the Dutch Overseas Countries and Territories”. Ta trata di Embahador nobo di Union Europeo na Guyana sr. Jernej Videti\u010d y e “Operation Manager di e Dutch Overseas Countries and Territories” sr. Christobal Delgado Matas.<\/p>\n
<\/p>\n
Nan tabata compa\u00f1a pa Minister di Ense\u00f1ansa, Michelle Hooyboer-Winklaar y Vivian Loopstok di Dienst Economische Zaken, Handel en Industrie (DEZHI). Coordinador di MdC, Rosanna van Dijk, a splica cu e bishita\u00a0 ta den cuadro di e fondonan di Union Europeo di cual un parti a ser usa pa ehecuta e proyecto di Observatiecentrum na MdC.<\/p>\n
E Observatiecentrum ta brinda ense\u00f1ansa na muchanan cu tin problema severo di comportacion, pero cu alabes tin capacidadnan intelectual halto. E centro ta consisti di dos klas di observacion, un kleuterklas y un eerste klas cu cada un maximo capacidad di 8 alumno.<\/p>\n
E enfasis ta cay riba intervencion trempan y prevencion. Den un setting specialisa ta duna yudansa intensivo pa cada alumno por desaroya su mes optimal.<\/p>\n
Nan ta sigui e mesun programa di scol cu alumnonan na otro scolnan, pero durante e periodo di un te maximo dos a\u00f1a cu nan ta na e Observatiecentrum nan ta ricibi tur guia y terapia necesario y nan ta wordo diagnostica.Despues di e orario di scol e alumnonan ta sigui un programa special di “naschoolse opvang” te atardi. Na e manera aki ta crea e oportunidad pa evalua na un manera responsabel cua tipo di ense\u00f1ansa lo beneficia cada un di e alumnonan.<\/p>\n
E tipo di ense\u00f1ansa aki ta nobo pa Aruba y ta exigi profesionalnan cu cierto experticio pa por guia e alumnonan na un manera responsabel. E alumnonan cu tin problema severo di comportacion tin otro necesidad y e maestronan, asistenan, lidernan y tur otro personal mester ta bon prepara pa por atende e retonan den comportacion y educacion di e muchanan. Ya despues di seis luna por ripara caba cu e programa y e terapianan ta haci un impacto riba e comportacion di e muchanan.<\/p>\n
E proyecto ta bayendo riba un rumbo hopi positivo segun sra. van Dijk.<\/p>\n
“Mi ta contento con e programa\u00a0 a wordo implementa y e edificio ta uno hopi bunita. Mi por mira cu\u00a0 a mira cu e muchanan ta sinti nan mes hopi bon, nan ta studiando bon y a demostra nan habilidadnan pa asina forma parti di e curiculo di scolnan basico na Aruba. Mi ta hopi satisfecho cu loke mi a mira durante mi\u00a0 prome bishita na Aruba”<\/i>, Embahador Jernej Videti\u010d a bisa.<\/p>\n
“Mi ta sumamente contento cu nos por a haya e oportunidad pa mustra e Embahador personalmente e proyecto importante aki. Hopi biaha por lesa di un proyecto, pero pa por wak cu su mesun wowo e impacto cu e tin riba e muchanan aki, cu antes no tabata tin e opcion aki, tabata di suma importancia pa por logra mas proyecto via <\/i>Union Europeo<\/i>,”<\/i> Minister Hooyboer-Winklaar a bisa.<\/p>\n Pa mas informacion por busca den e alfabet menu riba homepage:<\/p>\n
\nInfo \/ Contact<\/span><\/h3>\n