![\"\"](\"https:\/\/www.ea.aw\/pages\/wp-content\/uploads\/2026\/11\/minkojis-2026-11-09-Landelijk-werkgroep-hbo-Nederland.jpg\")
<\/p>\nDen cuadro di mehoracion di e transicion y exito academico di studiantenan cu ta continua nan educacion superior na Hulanda, Ministerio di Educacion a tene un combersacion fructifero cu representantenan di e Landelijk Werkgroep HBO Nederland.<\/p>\n
<\/p>\n
E reunion aki tabata tin como meta principal pa informa tocante e programa y trabounan amplio di e werkgroep, como tambe explora e posibilidad pa Aruba, particularmente e stakeholders di educacion, bira un socio clave den e iniciativa aki.<\/p>\n
E meta comun entre tur dos parti ta pa mehora e preparacion y guia di nos futuro studiantenan cu ta biaha pa Hulanda, contribuyendo finalmente na un mayor exito di estudio y bienestar pa e studiantenan di nos islanan.<\/p>\n
<\/p>\n
E Landelijk Werkgroep HBO Nederland ta un colaboracion cu ta conta cu e aporte y compromiso di dies (10) hogeschool na Hulanda. E trabou aki ta enfoca tanto riba e futuro studiantenan como riba esnan cu actualmente ta studiando na Hulanda, pa purba fortalece nan proceso di transicion, adaptacion y rendimento academico.<\/p>\n
Como parti di e agenda, representantenan di e werkgroep lo bishita Aruba, Boneiro, Curacao y e islanan SSS durante e luna di November pa ehecuta e Study Choice Program na diferente scol secundario. E programa aki ta dirigi na e studiantenan Caribe\u00f1o cu ta preparando pa drenta educacion superior. Adicionalmente, den e mesun periodo aki lo tuma luga un actividad special di teatro enfoca riba e proceso di escogencia di estudio.<\/p>\n
Ministerio di Educacion ta reitera su compromiso firme y sosten absoluto na e tipo di iniciativanan aki cu ta pone bienestar y futuro di nos hubentud central. E Ministerio ta reconoce cu un bon preparacion, orientacion adecuado y un red di apoyo solido for di prome cu e studiante sali di Aruba ta fundamental pa supera e retonan di adaptacion y garantisa un trayecto exitoso na Hulanda. Por lo tanto, e Ministerio ta mira cu optimismo e oportunidad pa fortalece e alianza aki cu e Landelijk Werkgroep HBO Nederland y lo sigui respalda tur iniciativa cu ta habri caminda pa e desaroyo integral di nos studiantenan.<\/p>\n
Fuente:\u00a0<\/em>Website<\/a> \/ <\/em>Facebook<\/a>\u00a0\/\u00a0Instagram<\/a>\u00a0<\/em><\/p>\n Pa mas informacion por busca den e alfabet menu riba pagina principal:<\/p>\n
\nContact<\/span><\/h3>\n