{"id":37319,"date":"2026-10-30T11:50:38","date_gmt":"2026-10-30T15:50:38","guid":{"rendered":"https:\/\/www.ea.aw\/pages\/?p=37319"},"modified":"2026-10-30T11:54:23","modified_gmt":"2026-10-30T15:54:23","slug":"ua-ta-integra-ai-den-curso","status":"publish","type":"post","link":"https:\/\/www.ea.aw\/pages\/ua-ta-integra-ai-den-curso\/","title":{"rendered":"UA ta integra AI den curso"},"content":{"rendered":"

Universidad di Aruba (UA) ta integra AI den curso di Comprehensive Business Analysis<\/em>. Studiantenan di e Minor International Financial Management<\/em> ta combina analisis profesional di accion cu entrenamento practico di AI y un docente huesped, empresario di Texas Dr. Tarek Ali.<\/p>\n

<\/p>\n

\n

\"\"<\/p>\n

\n

E temporada aki, studiantenan di e Minor International Financial Management<\/em> (IFM) na e Facultad di Accounting, Finance and Marketing<\/em> (FEF) di Universidad di Aruba a completa e curso Comprehensive Business Analysis<\/em> (CBA), duna pa docentenan Jorrit van Spaendonck y Anika Stevens.<\/p>\n

E curso ta e capstone<\/em> di e minor<\/em>: e ta reuni tur cos cu e studiantenan a si\u00f1a y ta pidi nan pa aplic’e na un compania real cotisa na e mercado, for di tur angulo relevante.<\/p>\n

Durante ocho siman, cuatro ekipo di studiante a analisa cada uno un compania di luho cotisa publicamente na mercado; su strategia, posicion di mercado, operacionnan, gobernansa, finansas y baloracion \u2014 y a construi un informe profesional di credito y accion (equity report<\/em>) di e tipo uza pa analistanan, banconan y inversionistanan. Cada ekipo a wordo combina cu un ekipo opositor cu a cuestiona su hallazgonan, di manera cu cada conclusion a wordo getest prome cu el a wordo presenta.<\/p>\n

\n

\"\"<\/p>\n

\n

AI como un habilidad profesional<\/span><\/h3>\n

Loke ta distingui e edicion di e a\u00f1a aki ta e manera cu AI a wordo integra den e curso. Anika Stevens a duna tres mainta completo di les introductorio di AI, cubriendo prompt engineering<\/em> y e diferente aplicacionnan di AI disponibel pa analistanan, di manera cu tur studiante a alcansa e nivel di entrada necesario pa e workshopnan avansa cu a sigui.<\/p>\n

E workshopnan ey a wordo duna pa e docente huesped Dr. Tarek Ali for di Austin, Texas. Dr. Ali, un empresario y serial acquirer<\/em> cu a cumpra mas di 100 negoschi chikito y mediano, y el a comparti su experiencia practico di balora compania, evita erornan comun y negocia pa yega na un prijs husto: un retorno atractivo na un nivel aceptabel di riesgo.<\/p>\n

E ultimo dia di su bishita a wordo dedica completamente na AI: el a introduci e studiantenan na algoritmonan y AI di agente (agentic AI<\/em>), y nan a construi nan mesun agentenan y botnan.<\/p>\n

E enfoke aki ta refleha e posicion di e facultad tocante AI den educacion: studiantenan ta wordo anima pa uza AI, ta keda responsabel pa nan mesun trabou, y ta transparente tocante con y pakico nan a uz’e. Den cada tarea y presentacion, e ekiponan ta duna cuenta di e hermentnan di AI cu nan a uza.<\/p>\n

E facultad ta gradici Dr. Tarek Ali pa su tempo y sesionnan inspirador, y e docentenan Jorrit van Spaendonck y Anika Stevens pa un curso innovativo cu ta prepara e studiantenan pa e profesion manera cu e ta wordo practica awe.<\/p>\n

\n

\"\"<\/p>\n

\n

Contact<\/span><\/h3>\n