{"id":37235,"date":"2026-10-05T10:41:10","date_gmt":"2026-10-05T14:41:10","guid":{"rendered":"https:\/\/www.ea.aw\/pages\/?p=37235"},"modified":"2026-10-05T10:47:45","modified_gmt":"2026-10-05T14:47:45","slug":"inscripcion-pa-21-toets-na-ipa-ta-habri-2","status":"publish","type":"post","link":"https:\/\/www.ea.aw\/pages\/inscripcion-pa-21-toets-na-ipa-ta-habri-2\/","title":{"rendered":"Inscripcion pa 21+ Toets na IPA ta habri"},"content":{"rendered":"

Nunca ta laat pa un comienso nobo! Si pa un of otro motibo bo mester a interumpi bo estudio of bo ta considerando cambio di carera, Instituto Pedagogico Arubano (IPA) ta duna bo e oportunidad pa cuminsa di nobo den ramo di ense\u00f1ansa.<\/p>\n

<\/p>\n

\n

\"\"<\/p>\n

\n

Tur persona cu desde 1 di september 2027 tin minimo 21 a\u00f1a y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets.<\/p>\n

E 21+ Toets ta midi si bo tin nivel di havo cu ta necesario pa por studia na IPA. Si bo logra pasa e 21+ Toets cu exito, bo por inscribi pa un estudio inicial cu IPA lo ofrece durante a\u00f1a academico 2027-2028. Asina cu bo inscribi bo ta bin na remarke pa participa na e test di admision (beroepstest) y e programa preparatorio (voorprogramma) cu lo tuma luga durante a\u00f1a academico 2026-2027. Si bo logra pasa e test di admision cu exito y completa e programa preparatorio bo por cuminsa cu bo estudio na augustus 2027.<\/p>\n

\n

Informacion di 21+ Toets<\/span><\/h3>\n

21+ Toets ta consisti di tres materia entre otro: Hulandes, Matematica y Hende y Comunidad. 21+ Toets ta tuma luga diasabra 20 di februari, diamars 23 di februari y diasabra 27 di februari 2027.<\/p>\n

Tur informacion di 21+ Toets ta riba IPA su website. Bay na ipaaruba.com<\/a> y click riba 21+Toets. Akinan lo bo haya informacion tocante contenido di 21+Toets, e preguntanan mas frecuente haci (Pag. 13 y 14 di e Toelichtingsdocument IPA 21+ toetsen voor het studiejaar 2027-2028) y procedura di inscripcion.<\/p>\n

\n

Anochi di informacion<\/span><\/h3>\n

Banda di esaki lo tin anochi di informacion dialuna dia 26 di october 2026 di 7 pm – 8:30 pm na IPA (Sala Madonna). Bo lo haya splicacion di kico 21+ Toets ta encera. Alabes lo elabora riba contenido y trata ehempel di tarea di diferente materia cu ta forma parti di 21+ Toets.<\/p>\n

\n

Inscripcion<\/span><\/h3>\n

Tur persona cu ta interesa pa haci 21+ Toets por inscribi via e website ipaaruba.com<\/a>. Pa por inscribi mester cumpli cu e pago di AWG 100,- y pone como anexo copia di comprobante di pago den formulario digital di inscripcion. Tene na cuenta cu e comprobante mester tin bo nomber riba dje, p\u2019asina nos sa na ken e pago ta pertenece. Na final bo lo ricibi confirmacion di bo inscripcion. E ultimo dia pa inscribi pa 21+ Toets ta 18 di januari 2027. Despues di e fecha aki no tin posibilidad mas pa inscribi.<\/p>\n

Esaki ta e oportunidad pa pone meta nobo y tuma bo futuro den bo man. Bay p\u2019e!<\/p>\n

Pa keda altanto di e ultimo desaroyonan di IPA bishita ipaaruba.com<\/a> y sigui nos riba pagina di facebook Instituto Pedagogico Arubano.<\/p>\n

\n

<\/p>\n

\n

Info \/ Contact<\/span><\/h3>\n

Pa mas informacion por busca den e alfabet menu riba nos pagina principal:<\/p>\n