Universidad di Aruba (UA) ta celebra 15 a\u00f1a di Student Ambassadors: Reconociendo e studiantenan cu ta construi comunidad.<\/p>\n
<\/p>\n
Universidad di Aruba (UA) a celebra un momento special cu su 15 Ceremonia Anual di Student Ambassador Awards, unda a honra studiantenan cu ta demostra cu logro ta trata di mas cu solamente bon cifra. E ta trata di liderazgo, servicio, caracter, conexion y e impacto positivo cu un persona ta haci riba otro.<\/p>\n
Bou di e tema \u201cA Legacy of 15 Years\u201d, Universidad a celebra un grupo di studiantenan cu ta representa e energia di un UAchiever: studiantenan cu ta mustra compromiso, ta yuda y motiva otro, ta contribui na UA y na comunidad Arubano, y ta yuda crea un experiencia universitario mas fuerte pa esnan rond di nan.<\/p>\n
E Student Ambassador Award ta reconoce studiantenan cu ta activamente envolvi den Universidad y\/of comunidad Arubano, cu ta dispuesto pa haci un esfuerso extra pa yuda otro, ta demonstra un actitud amabel y ta participa den actividadnan di UA of di nan programa, y tin bon habilidadnan social y di comunicacion.<\/p>\n
E recipientenan di e Student Ambassador Award 2025\u20132026 tabata:<\/p>\n
Durante e ceremonia, e UA Music Club tambe a wordo reconoci como Student Club of the Year 2025\u20132026. Loke a cuminsa como un club di studiante a crece bira un banda cu ta contribui na celebracionnan di Pasco, Open House y otro actividadnan di universidad. E club ta demonstra con studiantenan por crea, inspira y trese hende hunto.<\/p>\n
E anochi tambe a conta cu un contribucion significativo di Setar N.V., cu a presenta 10.000 florin na Student Development Fund, cu ta brinda apoyo na studiantenan di UA cu ta studia full-time y cu ta busca oportunidadnan academico y profesional, manera participacion den conferencia, intercambio, internshipnan den exterior y emprendemento social.<\/p>\n
UA ta expresa su sincero gradicimento na su sponsornan \u2014 Setar N.V., Giannis Group, Glorias, Royal Aruba Aloe, Subway Aruba y Wow Cosmetics \u2014 cu nan generosidad y confiansa den e potencial di nos studiantenan a yuda haci e celebracion aki posibel.<\/p>\n
Un di e momentonan mas inspirador di e anochi tabata e participacion di Dr. Chun, kende su trayectoria personal ta representa e spirito di un UAchiever. E la cuminsa su trayectoria na UA como studiante y como e prome Student Affairs student assistant di Universidad. Awe, el ta ocupa e posicion di Dean di e Faculty of Law. Su historia ta un recordatorio poderoso cu e punto unda un studiante ta cuminsa no ta determina unda e por yega. Oportunidadnan, perseverancia, inspiracion y impacto por forma un trayectoria extraordinario.<\/p>\n
E celebracion aki ta refleha e vision mas amplio di Universidad pa ta localmente y globalmente envolvi; preparando studiantenan no solamente pa nan carrera, sino tambe pa bira ciudadanonan critico y activamente envolvi cu ta contribui di forma significativo na Aruba y na mundo.<\/p>\n
E Strategic Plan di UA ta pone enfasis riba transforma bida, fortalece comunidadnan y cultiva generacionnan cu ta contribui di manera significativo na Aruba.<\/p>\n
E esencia di e Student Ambassador Awards ta un celebracion di e conviccion di Universidad cu studiantenan no ta solamente recipientenan di educacion; nan ta parti di loke ta haci Universidad di Aruba loke e ta awe.<\/p>\n
Pa medio di nan liderazgo, ideanan, servicio, creatividad y disposicion pa yuda otro, e studiantenan aki ta yuda construi e comunidad di UA awe, mientras cu nan ta contribui na forma e Aruba di ma\u00f1an. Universidad di Aruba ta felicita tur su Student Ambassadors y UAchievers. Nos ta mira bo. Nos ta balora bo. Nos ta orguyoso di bo , y nos ta mira cu entusiasmo pa e impacto cu bo lo sigui haci na UA, na Aruba y mas aya.<\/p>\n