Universidad di Aruba (UA) a duna bonbini na studiantenan nobo durante e O\u2019Days anual riba 18 y 19 di augustus, dos dia di conexion, cultura y comunidad.<\/p>\n
<\/p>\n
E dos dianan tabata marca e comienso di un etapa academico nobo pa e studiantenan di Aruba y pa e studiantenan internacional cu a bin forma parti di e comunidad di UA.<\/p>\n
Pa e a\u00f1a academico nobo, e tema ta \u201cYour Pattern Shapes More Than You\u201d, un invitacion pa studiantenan pensa mas leu cu solamente nan propio exito academico y reconoce e influencia cu nan tin riba e personanan rond di nan y riba e comunidad di cual nan ta bira parti.<\/p>\n
E a\u00f1a aki, mas di 860 studiante a wordo admiti na Universidad di Aruba, di cual mas di 381 ta cuminsa un programa nobo. Esaki ta marca un momento importante pa UA, cu ta sigui crece y duna espacio pa studiantenan di Aruba y di exterior pa desaroya nan mes.<\/p>\n
Na UA, e comienso di e a\u00f1a academico ta mas cu solamente haya un aula of un specialisacion. E programa di dos dia tabata prepara pa haci e studiantenan sinti nan mes na cas, conoce e personanan cu lo ta disponibel pa yuda nan durante nan estudio, descubri mas di universidad y cuminsa construi conexion cu otro studiante.<\/p>\n
Durante e dos dianan, e studiantenan a conoce diferente oficina, servicio y centro dentro di universidad, incluyendo bienestar y guia di studiante, biblioteca, International Office, Educational Affairs y otro servicionan di sosten. E meta tabata pa sigura cu cada studiante sa unda e por bay ora e tin un pregunta, mester di guia of simplemente mester di un persona pa papia cu ne.<\/p>\n
E introduccion na universidad a wordo combina cu actividadnan cu a anima studiantenan pa sali un tiki for di nan zona di confort y conoce otro. Un di e momentonan cu a destaca tabata e Fox Hunt, caminda e studiantenan a traha hunto mientras nan a descubri mas di e personanan, lugarnan y e ambiente berde di campus di UA.<\/p>\n
E prome dia a sinta na mesa hunto, caminda personal, decanonan y coordinadornan di programa a sirbi cuminda na e studiantenan nobo. E gesto tabata representa un mensahe importante cu UA kier duna for di e prome dia: nos ta aki pa sostene boso, sirbi boso y crece hunto cu boso.<\/p>\n
E di dos dia a trece cultura, movimiento y hopi alegria. Aruba Salsa a guia e studiantenan den un introduccion dinamico na baile y cultura, creando un ambiente caminda nan por a relax, interactua y disfruta hunto.<\/p>\n
Adicionalmente, e a\u00f1a aki UA a duna bon bini na mas di 42 studiante internacional di diferente paisnan den Europa, cu lo sigui nan estudio na Aruba. Nan presencia ta agrega diferente perspectiva y experiencia na e comunidad academico di UA.<\/p>\n
E dos dianan a termina cu weganan den solo, actividadnan y conversacionnan, duna e studiantenan oportunidad pa disfruta di otro y celebra e comienso di nan etapa nobo.<\/p>\n
E parti mas importante di e O\u2019Days tabata e reflexion riba e tema di e a\u00f1a. Durante e programa, studiantenan a wordo invita pa pensa riba e tipo di patron cu nan kier crea durante nan tempo na UA. E decisionnan cu nan ta tuma, e relacionnan cu nan ta construi, e conocemento cu nan lo adkiri y e accionnan cu nan lo tuma. Tur esakinan lo bira parti di nan propio historia, pero tambe di e patron mas grandi di e comunidad di UA.<\/p>\n
Como UAchievers, e studiantenan ta wordo anima pa descubri nan potencial, duna poder na esnan rond di nan y pensa riba e impacto cu nan por haci mas aya di e aula.<\/p>\n
Universidad di Aruba kier expresa su agradecemento na tur miembro di personal, student assistants, docente, decanonan y coordinadornan cu a contribui na un bon y alegre comienso di e a\u00f1a academico.<\/p>\n
Cu mas di 286 studiante nobo a habri e prome pagina di nan aventura na UA, y cu mas di 381 studiante cu ta cuminsa un programa nobo, e comunidad di Universidad di Aruba ta creciendo cu cada a\u00f1a.<\/p>\n
E pregunta cu a keda cu e studiantenan ta un simpel, pero importante: Ki sorto di patron bo lo crea?<\/p>\n