Minister di Educacion a organisa consulta cu scolnan basico pa scucha idea y sugerencia di e maestronan di klas 1, 2 y 3 riba ampliacion di material educativo y training di maestro relaciona cu ense\u00f1ansa multilingual, incluso Papiamento y otro idiomanan.<\/p>\n
<\/p>\n
Desde 2024 a introduci cambio den curiculo den scol basico. Papiamento a bira e idioma cu e muchanan ta si\u00f1a lesa y skirbi aden y ta si\u00f1a Hulandes den un forma cu ta pas cu muchanan cu no ta lanta ta papia e idioma.<\/p>\n
Minister di educacion, sra. mr. Gerlien Croes a laga haci un investigacion preliminario riba e implementacion di dicho cambio pa tuma desicion riba e miho manera pa sigui cu ense\u00f1ansa multilingual.<\/p>\n
Maestronan ta indica di tin mester di mas sosten y profesionalisacion. Tin diferente punto di mehoracion pa loke ta trata curiculo y material pa scol, como tambe profesionalisacion di maestro. Ademas ense\u00f1ansa den Papiamento y Hulandes no ta para los di esun di Ingles y Spa\u00f1o. E dos ultimo idiomanan aki tambe tin nan funcion den si\u00f1amento di nos muchanan y mester haya nan luga den e curiculo di scol.<\/p>\n
A base di e resultadonan aki y e recomendacionnan ricibi, ministerio di educacion a traha un programa pa desaroyo di ense\u00f1ansa multilingual. E accionnan describi riba tereno di curiculo y profesionalisacion ta loke minister di educacion ta laga valida durante e tres encuentronan cu veld dia 26, 27 y 28 di mei. Den e forma aki Minister ta percura cu e maestronan ta haya e oportunidad di duna nan punto di bista riba e conclusionnan y e accionnan formula. Finalmente ta tur actor hunto por logra desoroyo di calidad di ense\u00f1ansa pa nos muchanan.<\/p>\n
Mientrastanto, cu ayudo financiero di Hulanda, minister di educacion lo inverti den desaroyo di material teniendo na cuenta diferente punto cu a bin dilanti den e proceso aki.<\/p>\n
Segun Minister Gerlien Croes; \u201cNos ta traha pa un ense\u00f1ansa inclusivo, pa medio di cual e muchanan ta desaroya dominio di idioma y alabes por uza e diferente idiomanan cu nan ta domina miho pa nan por si\u00f1a\u201d<\/em>.<\/p>\n Fuente:\u00a0<\/em>Website<\/a> \/ <\/em>Facebook<\/a> \/ Instagram<\/a>\u00a0<\/em><\/p>\n Pa mas informacion por busca den e alfabet menu riba pagina principal:<\/p>\n
\n
\nInfo \/ Contact<\/span><\/h3>\n