{"id":36987,"date":"2026-07-10T12:04:03","date_gmt":"2026-07-10T16:04:03","guid":{"rendered":"https:\/\/www.ea.aw\/pages\/?p=36987"},"modified":"2026-08-07T13:49:20","modified_gmt":"2026-08-07T17:49:20","slug":"lo-mantene-norma-di-maximo-24-alumno-den-klas","status":"publish","type":"post","link":"https:\/\/www.ea.aw\/pages\/lo-mantene-norma-di-maximo-24-alumno-den-klas\/","title":{"rendered":"Lo mantene norma di maximo 24 alumno den klas"},"content":{"rendered":"

Ministerio di Relacionnan den Reino, Educacion, Hubentud, Innovacion y Deporte ta informa tocante e continuacion di e maneho pa reduci e tama\u00f1o di klas den ense\u00f1ansa preparatorio (kleuter), basico y secundario (voortgezet) pa e a\u00f1a escolar 2026-2027.<\/p>\n

<\/p>\n

\n

\"\"<\/p>\n

\n

E maneho aki, cu a keda introduci oficialmente desde e a\u00f1a escolar anterior (2025-2026), tin como obhetivo principal pa garantisa un educacion di calidad halto y percura pa e bienestar integral di tanto e alumnonan como e docentenan. Den transcurso di e ultimo a\u00f1anan, a nota un aumento continuo den e presion laboral riba e maestronan di scol, locual por pone e atencion individual cu cada alumno merece den peliger. Pa combati e desafio aki di forma directo, Ministerio ta keda pone enfasis riba su esfuerso pa stimula y mantene gruponan mas chikito y balansa.<\/p>\n

\n

Norma pa a\u00f1a escolar 2026-2027<\/span><\/h3>\n

Cu continuacion di e norma aki ta premira pa logra e siguiente beneficionan clave.<\/p>\n

Mas atencion individual: E maestronan lo conta cu mas espacio y tempo pa responde na e necesidadnan specifico y e ritmo di desaroyo di cada alumno. Tambe cu e implementacion aki kier hisa e satisfaccion laboral: Un reduccion directo den e carga di trabou di nos personal educativo, locual por contribui grandemente na nan motivacion y salud ocupacional. Por ultimo, e maneho aki lo por trece miho rendimento academico: Grupo mas chikito, specialmente den e a\u00f1anan crucial di formacion y desaroyo inicial, tin un impacto positivo riba e resultadonan di si\u00f1amento.<\/p>\n

\n

Mantencion di e grandura di klas, segun ley<\/span><\/h3>\n

Di otro banda, Ministerio ta mantene e grandura minimo manera stipula den ley<\/a>. Un klas mester consisti di un minimo di 16 alumno. E condicion aki ta keda primordial pa por garantisa e eficiencia den e maneho di recurso y pa fomenta un dinamica social sano, constructivo y participativo entre e alumnonan den e grupo.<\/p>\n

\n

\"\"<\/p>\n

\n

Implementacion, cooperacion y trabou na midi<\/span><\/h3>\n

Consciente di e desafionan logistico y organisatorio cu e stipulacionnan aki por trece cune pa e planificacion y formacion di personal, Minister ta extende un yamada na tur directiva di scol pa aplica e norma di 24 alumno mas exacto posibel, semper considerando e capacidad di e edificionan escolar y e personal disponibel.<\/p>\n

Den caso cu pa motibo di forsa mayor of circumstancianan excepcional un scol ta coriendo risico di sali fuera di e margen stipula (entre 16 y 24 alumno), Ministerio ta totalmente habri pa drenta den dialogo directo y busca solucion den forma coordina.<\/p>\n

Ministerio di Educacion ta reafirma su compromiso pa traha conhuntamente cu e directivanan di scol, Directie Onderwijs, y Dienst Inspectie van het Onderwijs pa asina percura pa un ambiente escolar mas saludabel y un structura di cuido educativo solido pa e futuro di Aruba.<\/p>\n

\n

\"\"<\/p>\n

\"\"<\/p>\n

Fuente:\u00a0<\/em>Website<\/a> \/ <\/em>Facebook<\/a>\u00a0\/\u00a0Instagram<\/a>\u00a0<\/em><\/p>\n

\n

Contact<\/span><\/h3>\n

Pa mas informacion por busca den e alfabet menu riba pagina principal:<\/p>\n