{"id":36813,"date":"2026-07-10T12:59:58","date_gmt":"2026-07-10T16:59:58","guid":{"rendered":"https:\/\/www.ea.aw\/pages\/?p=36813"},"modified":"2026-07-10T13:04:12","modified_gmt":"2026-07-10T17:04:12","slug":"ultimo-rekisitonan-importante-pa-arubalening","status":"publish","type":"post","link":"https:\/\/www.ea.aw\/pages\/ultimo-rekisitonan-importante-pa-arubalening\/","title":{"rendered":"Ultimo rekisitonan importante pa Arubalening"},"content":{"rendered":"

Departamento di Ense\u00f1ansa Aruba (DEA) ta recorda e studiantenan di fechanan importante relaciona cu Arubalening entrante Augustus 2026.<\/p>\n

<\/p>\n

\n

Cantidad di peticion<\/span><\/h3>\n

E a\u00f1a aki a ricibi 63 peticion di studiantenan cu ta desea di sigui nan estudio avansa na Aruba y 360 peticion pa un fiansa pa estudio pa sigui un estudio den exterior. Total esaki ta 423 peticion.<\/p>\n

\n

Fecha Importante<\/span><\/h3>\n

Dia 15 di juli 2026 ta e ultimo dia cu por entrega e documentonan pa termina cu e proceso di Arubalening.<\/p>\n

Tur studiante cu nan peticion digital a wordo aproba (goedgekeurd) a haya 6 link den nan Arubalening Portal. Den e linknan aki mester upload e siguiente 6 documentonan:<\/p>\n

    \n
  1. Vooropleidingsdiploma: E diploma mester ta certifica (gewaarmerkt). Por haci esaki na scol mes of mester pasa na Dienst Inspectie van het Onderwijs pa por laga certifica e diploma.<\/li>\n
  2. Bewijsstuk Arubaanse Bankrekeningnummer: Esaki mester ta un cuenta coriente na un banco local na nomber di e studiante.<\/li>\n
  3. Bewijsstuk Verzekering: Esaki ta un seguro na e pais unda e studiante ta bay biba.<\/li>\n
  4. Bewijsstuk toelating: Akinan mester upload e carta di aceptacion na e scol cu ta bay sigui studia.<\/li>\n
  5. Contactgegevens Ouders: Akinan mester yena e datonan di e mayornan.<\/li>\n
  6. Overeenkomst Arubalening: Akinan ta upload e overeenkomst Arubalening cu ta coresponde na e pais na unda e studiante ta bay studia. Por haya esaki riba nos website: Arubalening Overeenkomst<\/a><\/li>\n<\/ol>\n

    Na momento cu nos aproba e \u201cOvereenkomst tot geldlening\u201d, e studiante ta haya un \u201cVerklaring tot toekenning\u201d den su Arubalening Portal. E \u201cVerklaring tot toekenning\u201d ta mustra bashi, primi afdrukken pa wak esaki y print e.<\/p>\n

    Mester entrega dos (2x) version orginal di e \u201cverklaring\u201d aki hunto cu dos (2x) version original di e \u201covereenkomst\u201d cerca nos na Departamento di Ense\u00f1ansa Aruba (DEA), seccion di Studiefaciliteiten.<\/p>\n

    Por fabor tene na cuenta: TUR DOS MESTER TA FIRMA CU PEN BLAUW Sin esaki nos no por paga e studiante.<\/p>\n

    Departamento di Ense\u00f1ansa Aruba ta ubica na e John F. Kennedy Education Center na Stadionweg 37<\/a>.<\/p>\n

    \n

    Vuelo pa Hulanda<\/span><\/h3>\n

    Pa esnan cu ta bay sigui nan estudio na Hulanda y ta desea di biaha cu e vuelo organisa dia 5 augustus 2026: por fabor tene na cuenta cu dia 15 juli 2026 ta e ultimo dia<\/strong> pa indica si ta desea e Arubalening NL Reisproduct.<\/p>\n

    Nos ta pidi tur studiante<\/strong> pa bay den nan Arubalening portal y controla<\/strong> si a scoge pa e Arubalening NL Reisproduct.<\/p>\n

    Esnan cu a scoge esaki y awo ta planea pa biaha riba un otro fecha cu dia 5 di augustus 2025 tin te dia 15 juli 2026 pa indica cu nan no<\/em> ta desea di bin na remarke mas pa e Arubalening NL Reisproduct. Den caso cu e studiante no informa seccion Studiefaciliteiten cu e no ta desea e Arubalening NL Reisproduct mas, e suma di e ticket lo wordo kita for di e startpakket di e studiante.<\/p>\n

    Esnan cu no a pidi pa e Arubalening NL Reisproduct ainda tambe tin te dia di 15 juli 2026 pa pidi esaki.<\/p>\n

    Despues di dia 15 juli 2026 nos no por kita ni agrega<\/strong> niun studiante mas riba e vuelo.<\/p>\n

    Por fabor avisa nos via nos e-mail arubalening@ea.aw of via nos Whatsapp Only line 594-4140.<\/p>\n

    \n

    Censo<\/span><\/h3>\n

    Pa locual ta regarda uitschrijving for di Censo, seccion Studiefaciliteiten, Arubalening, mester manda un lista cu nomber di tur studiante cu ta sigui nan estudio den exterior pa Censo y Censo na su turno ta indica na e studiantenan riba ki dia nan por pasa Censo pa schrijf uit.<\/p>\n

    \n

    Hopi exito<\/span><\/h3>\n

    Personal di DEA y seccion Studiefaciliteiten ta desea tur studiante exito cu nan ultimo preparacionnan. Disfruta di e ultimo dianan na Aruba sanamente y nunca lubida e meta cu bo a pone bo dilanti.<\/p>\n

    \n

    Info \/ Contact<\/span><\/h3>\n

    Pa mas informacion relaciona cu Arubalening por busca den e alfabet menu riba nos pagina principal:<\/p>\n