{"id":36771,"date":"2026-05-29T12:21:43","date_gmt":"2026-05-29T16:21:43","guid":{"rendered":"https:\/\/www.ea.aw\/pages\/?p=36771"},"modified":"2026-07-09T12:47:43","modified_gmt":"2026-07-09T16:47:43","slug":"dialogo-cu-veld-di-educacion-pa-fortalece-rumbo-pa-ensenansa-multilingual-na-aruba","status":"publish","type":"post","link":"https:\/\/www.ea.aw\/pages\/dialogo-cu-veld-di-educacion-pa-fortalece-rumbo-pa-ensenansa-multilingual-na-aruba\/","title":{"rendered":"Dialogo cu veld di educacion pa fortalece rumbo pa ense\u00f1ansa multilingual na Aruba"},"content":{"rendered":"

Despues di tres dia di sesion intensivo cu representantenan di e veld di educacion, Minister di Educacion, sra. mr. Gerlien Croes, ta confirma cu e proceso di consulta a resulta den un paso importante pa fortalece y sigui desaroya ense\u00f1ansa multilingual na Aruba.<\/p>\n

<\/p>\n

\n

\"\"<\/p>\n

\n

E sesionnan, cu a tuma luga riba 26, 27 y 28 di mei, a reuni maestronan di scol basico, specificamente di klas 1, 2 y 3, pa comparti nan experencia, sugerencianan y punto di bista riba e adaptacion y ampliacion di curiculo, material educativo y profesionalisacion di maestro.<\/p>\n

E dialogo habri y constructivo cu a tuma luga durante e tres dianan a confirma e importancia di continua na inverti den sosten pa maestro y desaroyo di un sistema educativo cu ta refleha e realidad multilingual di Aruba. E aportacionnan ricibi lo forma un base solido pa implementacion di accionnan concreto riba tereno di curiculo y capacitacion.<\/p>\n

\n

\"\"<\/p>\n

\n

Minister Gerlien Croes a expresa su gradicimento na tur participante pa nan compromiso, sosten y contribucion activo durante e sesionnan: \u201cMi ta gradici e comision di IPA cu a haci e \u2018quick scan\u2019, tur maestro\/a, directivanan di scol y profesionalnan cu a participa activamente. Boso input ta esencial pa forma un sistema educativo cu ta responde na necesidadnan real di nos muchanan y di nos pais\u201d<\/em>.<\/p>\n

Ministerio di educacion ta reafirma su compromiso pa sigui traha man den man cu e veld di educacion pa fortalece y empodera sector educativo, cu enfoke riba progreso continuo y desaroyo integral di nos alumnonan\u2014kende ta e base di futuro di Aruba.<\/p>\n

Ademas, lo sigui inverti den desaroyo di material educativo moderno y relevante, alineando cu e meta di crea un ambiente di si\u00f1amento inclusivo unda idioma materno, Hulandes, Ingles y Spa\u00f1o tur tin nan luga den desaroyo academico di e alumno.<\/p>\n

\n

\"\"<\/p>\n

\n

Minister Gerlien Croes ta gradici tur esnan den e veld di educacion cu abase di nan propio iniciativa ta inverti den contribui na e desaroyo y creacion di material pa nos alumnonan.<\/p>\n

E proceso aki ta marca un paso significativo pa un ense\u00f1ansa mas fuerte, inclusivo y prepara pa futuro, unda colaboracion y participacion di tur actor ta central.<\/p>\n

Hunto, nos ta sigui construi un sistema educativo cu ta empodera nos alumnonan pa pensa, comunica y logra den un mundo cada bes mas global.<\/p>\n

\n

\"\"<\/p>\n

\n

Fuente:\u00a0<\/em>Website<\/a> <\/em><\/p>\n

Social media: Facebook<\/a> \/ Instagram<\/a>\u00a0<\/em><\/p>\n

\n

Info \/ Contact<\/span><\/h3>\n

Pa mas informacion por busca den e alfabet menu riba pagina principal:<\/p>\n