![\"\"](\"https:\/\/www.ea.aw\/pages\/wp-content\/uploads\/2026\/05\/Grupo-di-trabou-Cristal-13-05-2026.jpeg\")
<\/p>\nUn proyecto di renobacion di e metodo, cu a cuminsa tres a\u00f1a pasa, awor ta mira luz di dia.<\/p>\n
<\/p>\n
Despues di un espera di mas cu 20 a\u00f1a, cu orguyo Departamento di Ense\u00f1ansa Aruba ta presenta metodo di Papiamento pa scol secundario, esta Cristal, den un bachi nobo.<\/p>\n
E hobennan y docentenan di e scolnan secundario, esta EPB, MAVO y HAVO\u00a0 lo topa cu e formanan didacto nobo, cu ta inclui e habilidadnan di siglo 21, opcion pa haci tarea online y temanan contemporaneo.<\/p>\n
Ta conoci cu ense\u00f1ansa di idioma materno ta primordial pa e desaroyo di un studiante y pais. Pensa, papia, skirbi, discuti, delibera y expresa den bo idioma materno y desaroya esaki riba nivel cognitivo y academico ta un derecho fundamental pa tur ser humano, cu ta contribui na adkisicion di otro idioma y si\u00f1amento mas facil.\u00a0Cu presentacion di Cristal den un bachi nobo, Aruba kier duna su yiunan di tera e mesun oportunidadnan cu tur otro studiante tin na nan pais, esta si\u00f1a nan mesun idioma na scol.<\/p>\n
Departamento di Ense\u00f1ansa Aruba ta masha contento cu e producto aki, cu ta prome den e serie di cinco tomo. Produccion di tomo dos di Cristal ya ta den tapara y pronto lo yega pa sustitui e version anterior.<\/p>\n
Departamento di Ense\u00f1ansa Aruba ta desea e scolnan hopi exito cu Cristal 1 den un bachi nobo!<\/p>\n
<\/p>\n
<\/p>\n