![\"\"](\"https:\/\/www.ea.aw\/pages\/wp-content\/uploads\/2026\/03\/UA-2026-03-20-FEF-accreditation-a.jpg\")
<\/p>\nE Facultad di Contabilidad, Finansa y Mercadeo (Faculty of Accounting and Marketing-FEF) di Universidad di Aruba orguyosamente ta anuncia cu riba 28 di januari 2026 e programanan bachelor Finance y Control y Marketing Management a ricibi un evaluacion positivo di Nederlandse-Vlaamse-Accreditatieorganisatie (NVAO).<\/p>\n
<\/p>\n
E resultado aki ta confirma cu tur dos programa ta alcansa e standardnan di calidad reconoci internacionalmente, alinea cu esunnan aplica na Hulanda y Vlaanderen. E acreditacion aki ta valido te januari 2032.<\/p>\n
Apesar di cu e WHW (Wet op Hoger Onderwijs en Wetenschappelijk Onderzoek ) Ley di Ense\u00f1ansa Avansa y investigacion cientifico no ta aplicabel na Aruba, e evaluacion a tuma luga completamente segun e marco di acreditacion. Esaki ta nifica cu e programanan a wordo evalua segun e mesun standardnan di garantia academico y di calidad riguroso cu programanan acredita di Hulanda. Como tal, e evaluacion positivo ta substancialmente ekivalente na acreditacion.<\/p>\n
<\/p>\n
Como parti di e proceso di evaluacion, panelnan independiente di experto internacional a haci bishitanan di profundisacion na Universidad di Aruba na september y october 2025. E programanan a wordo evalua segun diferente norma clave, incuyendo e resultadonan di si\u00f1amento previsto, ambiente di si\u00f1amento, evaluacion y garantia.<\/p>\n
E panelnan a conclui cu tur dos programa ta alcansa tur e normanan, confirmando e forsa, coherencia y efectividad di e dise\u00f1o educativo y su resultado.<\/p>\n
E evaluacion a wordo haci door di panelnan distingui di experto di e ambito academico y profecional den region y Europa.<\/p>\n
Panel di Maneho di Mercadeo:<\/p>\n
Panel di Finansa y Control<\/p>\n
Sosten (ambos panel):<\/p>\n
E evaluacion positivo aki ta demostra cu e programanan ta robusto, bon structura, y alinea cu e referencianan internacional, proveyendo studiantenan cu experencia educativo di calidad halto.<\/p>\n
Pa studiante- y interesadonan, e resultado aki ta ofrece siguransa cla cu e programanan ta cumpli cu normanan academico internacional, cu e titulonan ta confiabel y ta cumpli cu e standardnan internacional, y cu e graduadonan ta bon prepara pa mas estudio avansa y e tereno profesional.<\/p>\n
Mientras cu e panelnan tambe a duna recomendacion pa mehoracion, manera ta standard den cualkier revision di calidad riguroso, e facultad a tuma esakinan na cuenta caba y ta implementa e mehoracionnan como parti di su acercamento di mehoracion continuo di calidad.<\/p>\n
E logro aki ta refleha e colaboracion y dedicacion fuerte cu tin den henter e facultad, e forsa laboral local y e comunidad universitario.<\/p>\n
Un danki special na e representantenan di e companianan local; Setar, Ernst & Young, Ritz Carlton, Marriott Resort, Pelican Adventures, CMB Mercantile Bank, Horacio Oduber Hospital pa nan sosten como parti di e comision di forsa laboral local. Esaki ta un ehempel cla di kico por wordo logra pa medio di trabou den team y un compromiso comparti pa calidad den ense\u00f1ansa superior.<\/p>\n
Universidad di Aruba ta keda comprometi pa sigui fortalece su programanan y mantene e standardnan educativo di mas halto.<\/p>\n
\n\t\t\t\t\t
Land Aruba ta brinda esnan cu kier sigui studia un prestamo pa estudio: ‘Arubalening’. Pa studia na Universidad di Aruba e studiante por bin na remarca pa e producto \u201cArubalening UA\u201d. Mas informacion:<\/p>\n
\t\t<\/div>\n\n\t\t<\/p>\n
\n\t\t\t\t\t
Pa mas informacion por busca den e alfabet menu riba nos pagina principal:<\/p>\n