{"id":35108,"date":"2025-07-04T14:03:03","date_gmt":"2025-07-04T18:03:03","guid":{"rendered":"http:\/\/www.ea.aw\/pages\/?p=35108"},"modified":"2025-07-04T14:03:03","modified_gmt":"2025-07-04T18:03:03","slug":"graduadonan-di-ipa-cla-pa-nabega-pa-un-futuro-briyante","status":"publish","type":"post","link":"https:\/\/www.ea.aw\/pages\/graduadonan-di-ipa-cla-pa-nabega-pa-un-futuro-briyante\/","title":{"rendered":"Graduadonan di IPA cla pa nabega pa un futuro briyante"},"content":{"rendered":"

Recientemente, Instituto Pedagogico Arubano (IPA), a tene su ceremonia di graduacion di a\u00f1a academico 2024-2025 cu a hiba e tema Nabega pa un futuro briyante.<\/p>\n

<\/p>\n

\n

<\/p>\n

\n

Cu orguyo, IPA ta anuncia cu awor nos ense\u00f1ansa ta conta cu un grupo di 13 maestro cu lo reenforsa nos educacion na Aruba. E graduadonan tin diferente specialisacion, entre otro, Maestro di Ense\u00f1ansa Primario, Bachelor Nederlands als Vreemde Taal, Movecion y Salud y Pedagogisch Didactisch Getuigschrift.<\/p>\n

\n

\"\"<\/p>\n

\n

E studiantenan cu a gradua den a\u00f1a academico 2024-2025 ta: Estudio pa Maestro di Ense\u00f1ansa Primario: Juraiska Croes, Giselle Evertsz, Rosaelina Maduro, Rigella Oduber, Sue-Donna Rombley, Nathaly Tobar. Bachelor Nederlands als Vreemde Taal, Initi\u00eble Opleiding: Giselle Geerman. Bachelor Nederlands als Vreemde Taal, Verkort Traject: J\u00e9se\u00f1a Croes, Gisela Trimon. Movecion y Salud: Josiah Tromp. Cursus Pedagogisch Didactisch Getuigschrift: Sydney Curiel, Gerar Khouri, Raymond Rasmijn.<\/p>\n

Alabes e graduadonan di e colaboracion entre Wayne State College y IPA tambe tabata t\u2019ey presente na IPA su graduacion. Un total di 11 profesional den campo di educacion a forma e di dos grupo di Aruba pa sigui e estudio Master of Science in Education (MSE): Curriculum & Instruction – Instructional Leadership di Wayne State College na Nebraska. Aunke cu nan no ta graduado oficial di IPA, IPA ta celebra e momento aki basa riba e colaboracion entre IPA y Wayne State College. E graduadonan ta: Zuleika Arendsz, Jaderick Croes, Xzmyra Croes, Gwenn Davelaar, Jessica Franken, Janirra Kock, Danielle Kole, Richelle Noel, Clarice Ras, Georgino Vrolijk y Milouschka Wernet.<\/p>\n

\n

\"\"\"\"<\/p>\n

\n

Durante e graduacion, directora general drs. Marilyn Richardson a dirigi palabra na e publico presente, specialmente na e graduadonan. El a inicia su discurso bisando e graduadonan: \u201cE echo cu boso ta aki nan awenochi ta un muestra di poder di perseverancia y dedicacion. E logro di ricibi un diploma ta nifica cu cada un di boso a sa di supera e retonan cu a presenta durante boso estudio. Cu confiansa boso a tuma e timon y a sa di nabega e oceano di formacion y a yega e destino di bira un maestro di scol of di a amplia boso conocemento, habilidad y competencia como maestro existente. Definitivamente ta un momento di tira bo anker pa celebra.\u201d<\/p>\n

Drs. Richardson a menciona cu rol di maestro ta mucho mas cu ofrece un base solido di conocemento y habilidad. Segun drs. Richardson maestro tin un responsabilidad grandi y un rol clave pa nutri desaroyo social emocional, resiliencia, empatia y importancia di colaboracion, p\u2019asina percura cu nos muchanan ta haya un base firme, basa riba balor y un cultura di pas y union, pa nan si\u00f1a aprecia diversidad, tin mente habri y creativo, si\u00f1a maneha conflicto, confronta reto na un manera positivo y innovativo.<\/p>\n

Alabes el a menciona cu IPA su fundeshi principal ta pa empodera lifelong learning y cu cada graduado ta IPA su embahador pa logra esaki den nos comunidad.<\/p>\n

\n

\"\"\"\"<\/p>\n

\n

Na final di su discurso, e directora a expresa su orguyo:\u201cNo tin un profesion mas bunita cu esun di un maestro. Cu e profesion aki, boso no ta traha solamente riba boso mes futuro, pero tambe ta guia boso alumnonan, e pasaheronan di boso barco na destinacionan briyante.\u201d<\/p>\n

Como presentacion intermedio, tabatin un presentacion teatral prepara pa y dedica na nos graduadonan, titula Abordo e barco di IPA. E presentacion teatral a wordo skirbi y dirigi pa IPA su docente di Drama, Mr. Daylan Krozendijk, y e docentenan cu a actua den e presentacion ta: Dr. Gregory Richardson, Daylan Krozendijk BSc, Melendy Neuman MSc, drs. Noemy Croes y Maximo Wernet BPE. E presentacion ta trata di un capitan y su matrosnan cu ta prepara pa subi e barco di ense\u00f1ansa, pa nabega pa un futuro briyante. Prome cu nan sali, e capitan ta motiva su tripulacion cu un speech inspirativo. Durante e biahe, nan ta topa obstaculo relaciona cu ense\u00f1ansa. Pero ku fe y perseverancia, e capitan y su matrosnan ta logra yega na nan destinacion final cu exito.<\/p>\n

E anochi aki tabata uno hopi ameno, caminda e comunidad di IPA conhuntamente cu famia y invitado di e graduadonan a celebra nan logro den Grand Ballroom di Aruba Marriott Resort & Stellaris Casino.<\/p>\n

IPA ta desea tur nan colega nobo un carera fructifero y exitoso. IPA ta spera cu Todopoderoso lo guia y duna boso sabiduria pa eherce e bunita profesion di maestro cu hopi amor y dedicacion. Pabien na tur graduado y un feliz vakantie na tur e maestronan y muchanan di Aruba!<\/p>\n

\n

Info \/ Contact<\/span><\/h3>\n

Pa mas informacion por busca den e alfabet menu riba nos pagina principal:<\/p>\n