{"id":34164,"date":"2024-09-13T09:44:02","date_gmt":"2024-09-13T13:44:02","guid":{"rendered":"http:\/\/www.ea.aw\/pages\/?p=34164"},"modified":"2024-09-13T09:44:02","modified_gmt":"2024-09-13T13:44:02","slug":"dea-cu-prome-encuentro-di-alfabetisacion-na-papiamento-pa-ana-escolar-2024-2025","status":"publish","type":"post","link":"https:\/\/www.ea.aw\/pages\/dea-cu-prome-encuentro-di-alfabetisacion-na-papiamento-pa-ana-escolar-2024-2025\/","title":{"rendered":"DEA cu prome encuentro di Alfabetisacion na Papiamento pa a\u00f1a escolar 2024-2025"},"content":{"rendered":"

Recientemente a tuma luga e prome encuentro di Alfabetisacion na Papiamento pa a\u00f1a escolar 2024-2025.
\n<\/p>\n

Aki a cuminsa cu e trayecto di preparacion di e maestronan di klas 2. E trayecto di preparacion ta consisti di 6 encuentro pa ekipa e maestronan debidamente pa sigui cu e implementacion di e maneho nobo den klas 2.<\/p>\n

\n

\"\"<\/p>\n

\"\"<\/p>\n

Minister di Ense\u00f1ansa y Deporte, sr. Endy Croes, a habri e mainta cu un discurso cortico dirigi na e maestronan na unda a para keto na e importancia pa muchanan haya educacion y di por lesa y skirbi na nan idioma materno Papiamento. Minister a pone enfasis ariba e echo cu varios estudio mundialmente ta indica cu ora un mucha haya educacion den su propio idioma el o por expresa su mes miho y cu esaki lo tin impacto positivo ariba nan experiencia academico. Minister a menciona cu durante e prome siman di a\u00f1a escolar 2024-2025 el a bishita varios scol basico y cu e por a nota un diferencia grandi den klas, caminda mas mucha ta participa activamente durante di les.<\/p>\n

\"\"<\/p>\n

\"\"<\/p>\n

Departamento di Ense\u00f1ansa Aruba (DEA) a duna un presentacion den cual a repasa e trabounan di e ultimo a\u00f1anan. A splica e proceso cu a cuminsa cu e proyecto piloto Scol Multilingual (PSML) na 2009 na Colegio San Hose y Colegio Conrado Coronel. Di loke a si\u00f1a di PSML a traha un plan di implementacion pa e metanan nucleo di Ense\u00f1ansa Primario cu a yama e plan Scol Arubano Multilingual (SAM).<\/p>\n

A base di e data y experiencia colecta durante e periodo 2009-2024 y e maneho integral di idioma den ense\u00f1ansa, gobierno a dicidi pa start cu e metanan nucleo di Papiamento y Hulandes. Esaki ta e implementacion di si\u00f1a lesa y skirbi na Papiamento y Hulandes duna den un forma cu ta pas cu e contexto di Aruba.<\/p>\n

E maestronan di e dos scolnan piloto (PSML) tambe tabata presente pa duna sosten na e maestronan di klas 2 cu lo inicia cu e trayecto di preparacion.<\/p>\n

Por ultimo DEA a duna un splicacion tocante e plan di prepracion, professionalisacion y guia cu lo ofrece e maestronan di klas 2.<\/p>\n

\"\"<\/p>\n

Linguista dr. Joyce Pereira, kende semper a boga pa e balor di nos idioma Papiamento y su importancia den Ense\u00f1ansa na Aruba, a duna un presentacion titula: \u201cE importancia di Papiamento pa desaroyo general di e mucha biba na Aruba\u201d. <\/em>Durante su presentacion dr. Pereira a trece dilanti cu ta exisiti documento importante di UNESCO caminda ta enfatisa algun mensahe clave encuanto e importancia di ense\u00f1ansa pa cu e bienestar di mucha e.o. cu mucha mester haya ense\u00f1ansa den e idioma cu e ta compronde, uza un idioma cu e mucha no ta tende pafo di scol ta stroba e mucha su si\u00f1amento y cu por lo menos 6 a\u00f1a di ense\u00f1ansa den idioma materno ta importante. <\/em><\/p>\n

Dr. Pereira a papia tambe di e realidad di nos ense\u00f1ansa y a remarca cu basa riba documento y estudio di UNESCO, nos ense\u00f1ansa no ta autentico y no ta basa riba necesidad of realidad di Aruba. Alabes el a trece padilanti cu nos ense\u00f1ansa no ta dirigi riba nos alumnonan y ta contra derecho di mucha.<\/p>\n

Dr. Pereira a papia tocante e importancia di idioma materno y cu idioma ta e aspecto di mas importante cu ta determina nos como hende; niun idioma no ta miho, mas bunita of mas importante cu otro. Pa cada pueblo su idioma ta un tesoro bibo masha grandi y cu ta via su idioma un pueblo ta pasa conocemento, historia y cultura di un generacion pa otro y si un idioma muri, ta henter un cultura, historia y herencia ta bay perdi.<\/p>\n

\"\"<\/p>\n

A finalisa e promer encuentro cu ehercicio activo na unda e maestronan a conecta cu otro y a crea diferente Comunidad Professional di Si\u00f1amento (CPS). Cada CPS ta enfoca riba diferente area specifico cu ta di importancia pa su participantenan. En total a forma cinco CPS. Durante e encuentronan venidero lo sigui traha den CPS pa prepara pa asina sigui cu e implementacion di si\u00f1a lesa y scirbi na Papiamento den klas 2.<\/p>\n

E siguiente encuentronan di preparacion mensual lo tuma luga dia 14 di october 2024, 25 di november 2024, 27 di januari 2025, 31 di maart 2025 y 19 di mei 2025. Cada encuentro lo tuma luga bou guia di Departamento di Ense\u00f1ansa Aruba (DEA) den operacion estrecho cu Centro di Desaroyo Profesional Continuo (CDPC) di Instituto Pedagogico Arubano (IPA).<\/p>\n

DEA ta gradici e diferente facilitadornan di Dienst Publike Scholen (DPS), Stichting Katholiek Onderwijs Aruba (SKOA) y CDPC pa nan aporte na e proceso di e promer encuentro pa e a\u00f1a escolar aki y alabes DEA kier a yama danki na tur persona cu di un manera of otro a duna sosten na e encuentro.<\/p>\n

\n

Info \/ Contact<\/span><\/h3>\n

Pa mas informacion por busca den e alfabet menu riba nos pagina principal:<\/p>\n