![\"\"](\"https:\/\/www.ea.aw\/pages\/wp-content\/uploads\/2024\/02\/idioma-materno-2024-02.jpg\")
<\/p>\nDesde a\u00f1a 2000 tin un dia internacional di idioma materno. Esaki a keda proclama oficialmente pa UNESCO na 1999. Idioma materno ta e idioma cu bo ta si\u00f1a na cas como mucha; un otro palabra pa idioma materno ta bo prome idioma.<\/p>\n
<\/p>\n
Segun cifranan di censo piloto 2019 (CBS Aruba), Papiamento ta idioma materno di 80% di Aruba su poblacion. E porcentahe aki ta encera tanto esnan cu ta papia Papiamento so na cas, como tambe esnan cu ta papia Papiamento banda di un otro idioma.<\/p>\n
Ta calcula cu na henter mundo tin mas o menos 7.000 idioma ta existi. Di e 7 mil idiomanan aki, mas o menos 6.700 ta idiomanan indigeno. Segun estudionan haci, ta premira cu 40% di esakinan tin chens di muri prome cu fin di e siglo aki.<\/p>\n
UNESCO ta desea di evita pa idiomanan bay perdi. Idioma ta producto di creatividad di e ser humano. Idioma ta herencia cultural di un pueblo. Diversidad linguistico ta parti di diversidad cultural.<\/p>\n
<\/p>\n
PHOTO:UNICEF\/Hoang Le Vu<\/em><\/span><\/p>\n UNESCO ta mustra tambe riba e importancia di si\u00f1a prome den un idioma cu e alumnonan ta papia of compronde, specialmente den e prome a\u00f1anan di scol. Despues nan por si\u00f1a otro idiomanan cu tambe ta importante pa nan mes sigui desaroya, pa desaroyo di nan pais of region y pa e parti internacional. No ta e intencion pa un idioma reemplasa e otro. Di e manera ey ta promove multilingualismo. Door di haya les den su idioma materno, mucha ta si\u00f1a miho, ta si\u00f1a lesa y skirbi miho y ta si\u00f1a otro idioma miho tambe. P\u2019esey e tema di UNESCO di e a\u00f1a aki ta: Ense\u00f1ansa multilingual ta un pilar di si\u00f1amento intergeneracional.<\/p>\n Na augustus 2024, e alumnonan di Aruba lo cuminsa si\u00f1a lesa y skirbi na Papiamento den klas 1 di scol basico. Esaki ta idioma materno di 80% y alabes e idioma cu mayoria alumno ta papia of compronde, manera UNESCO ta indica. E idiomanan Hulandes, Ingles y Spa\u00f1o ta keda idiomanan importante y lo haya nan debido atencion tambe na scol. Entrante augustus e maestronan lo ofrece Hulandes cu un didactica di idioma stranhero. Esey ta encera un otro acercamento compara cu e forma tradicional. Departamento di Ense\u00f1ansa (DEA) a desaroya un metodo di Hulandes como idioma stranhero, specialmente dirigi riba nos alumnonan. Alabes DEA ta ofreciendo workshop na e maestronan di klas 1, pa nan ta bon prepara pa e cambionan entrante e a\u00f1a escolar nobo. Di e forma aki DEA ta contribui na un ense\u00f1ansa multilingual, dirigi riba e idioma materno di e gran mayoria, preservando Papiamento como herencia cultural di Aruba y preparando e alumnonan pa futuro.<\/p>\n Pa mas informacion por busca tambe den e alfabet menu riba nos pagina principal:<\/p>\n
\n
\n![\"\"](\"https:\/\/www.ea.aw\/pages\/wp-content\/uploads\/2024\/02\/idioma-materno-2024-01-.jpg\")
<\/p>\n
\n
\n<\/div>\nInfo \/ Contact<\/span><\/h3>\n
\n