![\"\"](\"https:\/\/www.ea.aw\/pages\/wp-content\/uploads\/2024\/01\/isla-online-2024-12-11-normbedrag.jpg\")
<\/p>\nRecientemente durante un Conferencia di Prensa di Gobierno di Aruba a trata e topico di “normbedrag”. E “normbedrag” ta ancra den ley y ta e compensacion cu directivanan di scol ta ricibi a traves di “exploitatiesubsidie”.<\/p>\n
<\/p>\n
E “normbedrag” ta cubri costo di, entre otro, mantencion y seguro di e edificio di scol y lokaal, limpiesa di edificio y lokaal, coriente, awa y gas, mantencion di mueble di e scolnan, inversion den material di desaroyo \u201chulpmiddel\u201d y necesidadnan di scol, “lesmateriaal” y admistracion.<\/p>\n
<\/p>\n
E directivanan di scol ta ricibi un suma cu hopi biaha ta miyones di florin, depende di e grandura di e scol pa cubri tur gasto cu a ser menciona.<\/p>\n
E ley ta bisa cu cada tres (3) a\u00f1a mester calcula si mester aumenta e suma aki. E ultimo rapport oficial ta di a\u00f1a 2009 y e ultimo aumento a tuma luga na a\u00f1a 2010. Ense\u00f1ansa tabata coriendo diestres (13) a\u00f1a atrasa encuanto e ahustenan necesario pa e “normbedrag” por ta actualisa.<\/p>\n
Durante a\u00f1a 2023 un team di experto cu ta compronde e materia a haci un investigacion y calculacion. Na final di e investigacion un rapport a keda presenta, unda cu a indica cu mester “haal in” e suma di 6.4 miyon florin. Dia 4 di september 2023 den tratamento di e “voorjaarsnota”, Parlamento di Aruba a aproba 50%, esta 3.2 miyon florin.<\/p>\n
Den luna di december di a\u00f1a 2023, ora cu Parlamento di Aruba a trata Presupuesto di Pais Aruba a aproba e otro 50%, esta 3.2 miyon florin. Pues, un total di 6.4 miyon florin a haal in te cu a\u00f1a 2023. Esaki ta significa cu a inverti hopi mas placa den ense\u00f1ansa pa asina e directivanan di scol por cubri nan gastonan.<\/p>\n
Pa conclui, entre e proyecto di construccion di Juliana School, construccion di fase 2 di Mon Plaisir Havo y “normbedrag”, ense\u00f1ansa di Aruba a ricibi 16 miyon florin adicional.<\/p>\n