Minister di Ense\u00f1ansa Endy Croes a presenta un resumen di e trabounan cu mas a resalta durante a\u00f1a 2023 riba e tereno di ense\u00f1ansa na Aruba.<\/p>\n
<\/p>\n
Minister Croes a indica cu a\u00f1a 2023 tabata un a\u00f1a cu varios reto, pero a pesar di tur dificultad a logra resultadonan positivo y prospero pa Pais Aruba. Esaki ta danki na e liderasgo y vision di Gabinete Wever Croes II y danki na Parlamento di Aruba cu ta kere den e trabou. A realisa trabounan di acuerdo e maneho Ense\u00f1ansa den Transicion, cu pilarnan manera Doorlichtingsrapport, Sustainable Development Goals 4 y PEN 2023. Tambe a enfoca riba e calidad basico di ense\u00f1ansa, pero alabes a brinda oportunidad na un y tur pa por tin acceso na ense\u00f1ansa. Minister Endy Croes a indica cu e ta orguyoso di mira avance grandi riba e desicionnan tuma y trabounan realisa den e fase di mehoracion di ense\u00f1ansa di Aruba den su totalidad.<\/p>\n
Di acuerdo cu recomendacion 1 di Doorlichtingsrapport, a inventarisa y a traha hopi di cerca cu Tijdelijke Werk Organisatie (TWO) y Ministerie van Binnenlandse Zaken en Koninkrijksrelaties (BZK) di Hulanda. A traha un Plan van Aanpak cu ta aproba desde october 2023 door di Hulanda. Hulanda a aproba 1.7 miyon florin pa realisa e Proyecto di Data, unda cu 85 scol di Aruba lo bay den un solo sistema, esta esta \u2018Open Emis\u2019 na Departamento di Ense\u00f1ansa Aruba.<\/p>\n
En conexion cu recomendacion 2 di Doorlichtingsrapport cual ta trata maneho di idioma, a instala un team di profesional cu a produci un rapport. A tuma decision dia 31 di maart pa un maneho di idioma nobo, pa asina cumpli cu deadline di Hulanda. A planea pa implementa Alfabetisacion den Papiamento den tur eerste klas di scol basico na Aruba desde augustus 2024. Den e luna di november di a\u00f1a 2023, a inicia e prome training pa tur cabesante y maestro di eerste klas di scol basico na Aruba. Un total di 93 maestro y cabesante a asisti na e training aki y lo tin 5 seccion mas di training durante a\u00f1a 2024. Den e luna di januari 2024 lo print tur material pa e training aki. Esaki ta un inversion di 1 miyon florin.<\/p>\n
A base di recomendacion 10 di Doorlichtingsrapport, a contrata un register accountant, kende a traha un verantwoordingsprotocol y un accountantsprotocol conforme ley pa asina tur bestuur
\ndi scol por raporta conforme regla. Recientemente, a ricibi e conseho final di DWJZ riba e protocolnan aki. Januari 2024 lo present\u2019e na tur schoolbestuur.<\/p>\n
En cuadro cu recomendacion 11 di Doorlichtingrapport, a instala un comision pa modernisa leynan di ense\u00f1ansa. E proyecto Modernisacion di Leynan di Ense\u00f1ansa ta dirigi riba renobacion di tur ley di ense\u00f1ansa y traha leynan nobo cu tin mester, leynan manera LV scol preparatorio, LV scol basico, LV scol secundario y LV ense\u00f1ansa superior. Tambe Beroeps onderwijs, Inspectie Onderwijs y Speciaal onderwijs lo bay haya nan propio landsverordening. A inventarisa tur e leynan den ense\u00f1ansa y ta trahando riba esakinan. A contrata un experto di Hulanda cu ta yudando den e proyecto aki. Esaki ta un proyecto grandi. Minister Endy Croes a indica cu e ta contento cu e Ley di Inspectie van Onderwijs cu nunca tabata existi ta cla caba y entreg\u2019e na DWJZ pa cana su
\ncaminda pa por yega Parlamento di Aruba.<\/p>\n
A instala un comision pa traha riba e salario di docente. Ta premira cu den e luna di januari 2024 nan lo presenta nan prome conseho riba e tematica aki. Pues, ta trahando cu alma y cuerpo riba e veld di ense\u00f1ansa.<\/p>\n
Riba nivel di Reino Hulandes a atende 4 Landenoverleg na januari 2023 na Cura\u00e7ao, april y juni via ZOOM y november na Hulanda. Durante e 4 Landenoverleg a logra firma un acuerdo di e proyecto di Berca di Reino (Koninkrijksbeurs), unda Hulanda a aloca 500 mil euro pa e studiantenan por haci intercambio (of stage) dentro di Reino Hulandes, prome nan tuma un desicion final unda nan kier continua nan estudio. Tin 3 studiante cu ya a haci uzo di esaki den 2023 y actualmente ta na Hulanda. Banda di esaki, a haci palabracionnan concreto pa Strategic Education Alliance (SEA), entre otro, un grupo di consorcio di universidadnan di Hulanda hunto Universidad di Aruba lo haci un analisis riba e mercado laboral, asina por ahusta nos ense\u00f1ansa na necesidad y nivel di e mercado laboral. Tambe, lo train e decanonan na Aruba y lo crea un sistema di LVS pa \u201ctrack\u201d nos studiantenan den exterior. Pa loke ta trata Proyecto Kibrahacha: samen opleiden en professionaliseren di e docentenan di paisnan den Reino Hulandes, tin un \u201csamenwerkingsprotocol\u201d firma y e proyecto ta canando hopi bon. Tin 93 docente di 15 opleidingsscholen ta
\nparticipando activo na esaki. E colaboracion aki ta conduci na mehoracion den comunicacion y afinacion entre e institutonan cu ta prepara docente, schoolbesturen y Gobierno di Aruba.<\/p>\n
A organisa un anochi informativo den The Movies IMAX na Gloria Theater pa inspira y stimula nos studiantenan cu kier bay studia na Hulanda, preparando nan pa locual nan ta bay enfrenta. Esaki tabata un exito rotundo cu un sala sold out. Tambe, a organisa HENA Higher Education North America pa e studiantenan cu kier bay studia na Merca of Canada, a trece diferente college y universidad Mericano y Canades pa brinda informacion na nos studiantenan.<\/p>\n
Na september 2023, a firma un MoU nobo cu Consul USA di Cura\u00e7ao pa e oficina di Education USA na Aruba pa brinda sosten na e studiantenan cu kier bay Merca. Banda di esaki, a logra pa 9 studiante di Colegio EPI bay eherce nan pasantia na Iberostar Mexico cu tur gasto cubri. Esaki a efectua hunto cu colega Minister Glenbert Croes. Tambe, a firma un acuerdo beneficioso cu ROC Mondriaan pa Colegio EPI. Fuera di esaki, a lansa hunto cu IPA y DEA e plataforma digital MATRIX, cual ta un plataforma unda tur docente por subi pa sigui e cursonan pa profesionalisacion den
\nun forma flexibel y personalisa. Na final nan lo ricibi certificado pa esaki.<\/p>\n
A firma un acuerdo cu SETAR pa pone fiber na tur scol di DPS cu un pakete special. E acuerdo aki ta parti di e proyecto di Fiber \u2018Next Generation\u2019 pa scol cu e meta pa haci e futuro resiliente pa e infraestructura y servicionan di nos scolnan y asina hunto hiba nos scolnan na e siguiente nivel cu fiber. Cu instalacion di Fiber na tur scol di DPS ta haci cu tin un speed di internet mas lihe. Esaki ta e prome stap cu a tuma pa e desaroyo di digitalisacion den ense\u00f1ansa.<\/p>\n
Tambe, proyecto pa conecta tur 20 scol di DPS riba un sistema di data ta andando y ta casi cla. DPS tabata e unico schoolbestuur cu no tabatin un sistema di data. E siguiente stap ta pa conecta tur 20 scol di DPS cu Departamento di Ense\u00f1ansa via \u201cinterface\u201d.<\/p>\n
Banda di esaki, tabatin alrededor di 30 caso caminda cu e docentenan tin derecho riba \u201ckindertoelage\u201d y no a ricibi esaki. Na luna di januari y februari di a\u00f1a 2023, a regla esaki y e proyecto aki ta finalisa. Fuera di esaki, a inventarisa mas di 100 ambtsjubileum cu tin retraso y den prome 2 lunanan di 2024 lo finalisa e proyecto aki.<\/p>\n
Openbare Avondleergangen Aruba (OAA) a logra un acuerdo di colaboracion cu Aruba Food and Beverage Association pa prepara y educa e empleadonan cu kier traha den e sector aki cual tin un nesecidad. OAA den colaboracion cu Aruba Food & Beverage Association (AFBA) a lansa pa prome biaha un programa innovativo y educativo unda cu a combina e experencia practico y estudio.
\nE programa ta pa persona di 17 a\u00f1a bay ariba cu ta desea di drenta den e sector di \u201cFood & Beverage\u201d. E programa tin un duracion di un a\u00f1a pa un a\u00f1a y mey. Ora e participantenan finalisa nan estudio nan ta ricibi e diploma di Assistent Horeca, Voeding of Voedingsindustrie. E programa ta encera cu e participantenan ta traha 39 ora pa siman den un establecimento cu ta miembro di AFBA y lo dedica seis (6) ora semanal na les presencial na OAA. Cual ta suma un total di 45 ora pa siman. OAA a integra un enfoke moderno, haciendo e programa digital, cu ta perminti pa e
\nstudiantenan si\u00f1a riba nan mesun tempo.<\/p>\n
A contribui den e proyecto di Kies Coach, unda cu 11 instructor di Hulanda a bin Aruba pa prepara 44 docente di scol basico y scol secundario. Un programa pa educa e docentenan di scol
\nbasico y scol secundario pa duna sosten na yiu di mayornan divorcia y\/of separa. E docentenan ta ricibi guia y training necesario pa brinda atencion na e alumnonan di e mayornan separa. Un total di dies ora durante un a\u00f1a escolar ta wordo dedica n\u2019e alumnonan aki. Den e sesionnan aki e muchanan ta si\u00f1a con pa surpasa nan emocionnan negativo pa e separacion di nan mayornan.<\/p>\n
A firma un acuerdo den luna di november hunto cu colega Minister Dangui Oduber cu Caribbean Accreditation Authority for Education in Medicine and other Health Professions (CAAM-HP), cual ta un agencia di acreditacion cu lo accredita e universidadnan internacional di medicina cu ta estableci na Aruba. Haciendo esaki por garantisa e calidad y nivel di educacion.<\/p>\n
CAAM-HP ta un organisacion internacional reconoci cu ta controla y acredita universidadnan di medicina, pa asina brinda e studiantenan cu finalisa nan estudio di MD e oportunidad pa continua nan estudio na Merca.<\/p>\n