{"id":32889,"date":"2023-12-11T16:11:14","date_gmt":"2023-12-11T20:11:14","guid":{"rendered":"http:\/\/www.ea.aw\/pages\/?p=32889"},"modified":"2023-12-11T16:14:10","modified_gmt":"2023-12-11T20:14:10","slug":"beca-di-reino-pa-yuda-studiantenan-di-caribe","status":"publish","type":"post","link":"https:\/\/www.ea.aw\/pages\/beca-di-reino-pa-yuda-studiantenan-di-caribe\/","title":{"rendered":"Beca di Reino pa yuda studiantenan di Caribe"},"content":{"rendered":"

Cuminsando e proximo a\u00f1a escolar\/academico mas o menos 120 studiante di Hulanda y di e islanan Caribe Hulandes lo haya un beca pa haci un pasantia (stage) of intercambio di estudio di seis (6) luna dentro di Reino.<\/p>\n

<\/p>\n

\n

\"\"<\/p>\n

Potret di ANP<\/em><\/p>\n

\n

E asina yama \u201cKoninkrijksbeurs\u201d di maximo 5900 euro mester conduci na menos \u201cdrop out\u201d of caso di cambiamento di estudio bou di studiantenan di Caribe den ense\u00f1ansa superior (\u201chbo\u201d of \u201cwo\u201d) na Hulanda.<\/p>\n

Cada a\u00f1a alrededor di mil studiante di nos islanan Caribe Hulandes (Aruba, Boneiro, Corsou, Sint Maarten, Sint Eustatius, Saba) ta cuminsa cu un estudio universitario (\u201cwo\u201d) of na nivel di \u201chbo\u201d na Hulanda. Investigacion recien ta mustra cu e studiantenan aki ta cambia di estudio mas frecuente cu studiantenan cu a haci un \u201cvooropleiding\u201d na Hulanda. E cantidad di \u201cdrop out\u201d durante e prome a\u00f1a di universidad tambe ta mas halto bou di e studiantenan Caribense.<\/p>\n

Tin tres causa principal segun Nicolle Spellen, \u201cProgrammamanager\u201d di Strategic Education Alliance (SEA), un organisacion di diferente partner di ense\u00f1ansa den Reino cu ta traha pa mehora e exito di e studiantenan di Caribe. \u201cE idioma, e dificultad pa establece y custuma na Hulanda y esun principal: escogencia robes di estudio.\u201d<\/p>\n

E studiantenan ta experiencia e transicion pa studia na Hulanda como uno grandi. Tambe nan ta enfrenta problemanan practico manera haya un vivienda segun e Ministerio di Ense\u00f1ansa, Cultura y Ciencia di Hulanda (OCW). \u201cBo ta bin di leu y ta haya bo den un cultura completamente diferente\u201d, minister demisionario Dijkgraaf a comenta na NOS Radio 1 Journaal.<\/p>\n

E beca nobo aki ta comparabel cu e \u201cErasmusprogramma\u201d cu ta permiti e studiantenan pa studia temporalmente na un pais Europeo. E programa di \u201cErasmus\u201d sinembargo no ta permiti e studiantenan haci un intercambio of pasantia dentro di Reino. E \u201cKoninkrijksbeurs\u201d si ta permiti esaki. E ministerio di \u201cOCW\u201d a destina 600.000 euro pa esaki.<\/p>\n

Tur studiante den Reino por beneficia di e beca; un studiante di Hulanda tambe lo por haci un programa di intercambio na por ehempel Universidad di Aruba of di Corsou. Sinembargo e meta di e plan ta principalmente pa e studiante Caribense tin oportunidad igual pa ta mas exitoso den su estudio.<\/p>\n

Door di haci un intercambio cortico na Hulanda, e studiante di Caribe por experiencia kico kiermen studia na Hulanda, prome cu e dicidi di bay biba y studia eynan pa un temporada mas largo.<\/p>\n

Minister di Ense\u00f1ansa demisionario Dijkgraaf ta spera tambe cu e beca lo facilita mas studiante di Caribe pa sigui un estudio na un di e otro islanan.<\/p>\n

Ta importante pa e studiantenan di Caribe adkiri e tipo di experiencianan aki, Dijkgraaf a bisa. Tambe e ta hay\u2019e importante pa e studiantenan bay bek nan isla, \u201cpaso e islanan tambe mester di su hendenan jong y studia\u201d.<\/p>\n

E a\u00f1a escolar\/academico aki ta haciendo un prueba cu 25 alumno. E intencion ta pa 120 alumno participa durante e siguiente a\u00f1a escolar\/academico. Alumno\/studiantenan lo tin te dia 1 di mei 2024 pa aplica pa e beca cu lo cuminsa na september 2024. Mas informacion tocante e proceso di aplicacion lo wordo anuncia despues.<\/p>\n

\n

Info \/ Contact<\/span><\/h3>\n

Website SEA:<\/p>\n